Mikha 6:16 - Siswati 1996 Bible

¹⁶ Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Mikha 6:16 Referencias Cruzadas

1 Emakhosi 18:4

Kwatsi ngesikhatsi Jezebeli abulala baphrofethi baSimakadze, Obadiya wafihla labalikhulu emigedzeni, baba ngema-50 kulowo nakulowo mgedze, abebapha kudla, abanatsise nemanti.

1 Emakhosi 9:8

Noko nome kwanyalo lelithempeli lisenesitfunti lesimatima kangaka, bonkhe labendlula ngakulo bayawumangala bahhalatise, batsi: ‘Simakadze uyenteleni lentfo lenjena kulelive nakulelithempeli?’

2 Emakhosi 16:3

Wahamba etinyatselweni temakhosi aka-Israyeli, yena-ke wadzimate wanikela nangendvodzana yakhe kutsi ishiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Emakhosi 21:3

Wavusa kabusha tindzawo letiphakeme tekukhontela tithico, letatibhidlitwe nguyise Hezekiya. Waphindze wakha emalati aBhali, wakha nensika ya-Ashera, njengobe na-Ahabi, inkhosi yaka-Israyeli, abentile. Wakhotsama wakhonta tonkhe tinkhanyeti tesibhakabhaka.

2 Tikhronike 22:4

Wenta lokubi emehlweni aSimakadze, njengobe kwakwenta bendlu yaka-Ahabi, ngobe emvakwekufa kweyise base baba beluleki bakhe, bamyisa ekuweni kwakhe.

2 Tikhronike 34:25

Njengobe bangishiyile mine, batfuncisa imphepho kulabanye bonkulunkulu, bangitfukutselisa ngato tonkhe letithico labatibumbe ngetandla tabo, intfukutselo yami itawutfululelwa kulendzawo, futsi ingeke icisheke.’

Tihlabelelo 1:1

Ubusisiwe umuntfu longatitsatsi teluleko tebedukisi longahlanganyeli emikhubeni yetigangi, longahlali nasemkhambatsini walabaphukuta Nkulunkulu.

Tihlabelelo 44:13

Usente saba yinhlekisa kubomakhelwane betfu, wasenta sihhala nakulabo labasihacile.

Tihlabelelo 44:14

Usente siga emkhatsini wetive, wasenta saba yintfo yekubukelwa phansi.

Isaya 25:8

amite kufa phakadze naphakadze. Somandla longuSimakadze uyawukwesula tinyembeti kubo bonkhe buso; uyawususa lihlazo lesive sakhe emhlabeni wonkhe. Simakadze sewukhulumile.

Isaya 9:16

Labo labahola lesive bayasedukisa, nalabo labaholwako bayalahlekiswa.

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Jeremiya 25:18

IJerusalema nemadolobha akaJuda, emakhosi netindvuna tawo, kubenta kutsi babe yincitsakalo, nentfo yekwesabisa neyekuhlekisa, nesicalekiso, njengobe banjalo nalamuhla;

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 29:18

Ngiyawubagijimisa ngenkemba, nangendlala, nangesifo lesibulalanako, ngibente banengeke kuyo yonkhe imibuso yasemhlabeni, babe yintfo yesicalekiso nesesabiso, intfo yekuhlekisa nelihlazo emkhatsini wato tonkhe tive, lapho ngibayisa khona.’

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Jeremiya 7:24

Kodvwa abazange balalele, futsi abanakanga nekunaka; esikhundleni saloko balandzela kutsambekela kwenkhani yetinhlitiyo tabo letimbi. Babuyela emuva, bangete baya embili.

Sililo 5:1

Awu Simakadze! Khumbula kutsi kwentekeni kitsi. Buka ulibone lihlazo letfu.

Hezekeli 39:26

Bayakulikhohlwa lihlazo labo nako konkhe kungetsembeki kwabo labakwenta kimi, ngesikhatsi basahleti eveni labo bavikelekile, kute namunye labengabesabisa.

Danyela 9:16

Awu Simakadze, ngako konkhe kulunga kwakho mane ugucule intfukutselo yakho nelulaka lwakho kuyo iJerusalema, lidolobha lakho, leliyintsaba yakho lengcwele. Tono tetfu nekona kwabobabe sekwente iJerusalema nesive sakho kwaba lihlazo kubo bonkhe labakhelene natsi.

Hoseya 12:14

Kodvwa Efrayimu sewucunule Simakadze kakhulu, wadzimate watfukutsela; Simakadze wakhe uyawumetfwesa licala lakhe lekucitsa ingati, amkhokhise ngaloko kumhlazisa kwakhe.

Hoseya 5:11

Efrayimu ucindzetelekile wagcotjwagcotjwa ngekwehlulelwa, ngobe utimisele kulandzela tithico.

Mikha 2:6

Lesive saphrofetha kimi, satsi: “Ungasiphrofethi, ungasishumayeli ngaloko. Nkulunkulu angeke asihlazise.

Mikha 6:13

Manje sengicalile kunigulisa nginibhubhise ngenca yekona kwenu.

Sembulo 2:20

Kodvwa tsine nawe sehlukana la ekutseni wena uyamvumela lomfati longuJezebeli, lotibita ngekutsi ungumphrofethikati, edukise tinceku tami ngekutifundzisa buphingi, nebugwadla, nekudla kudla lokuhlatjelwe tithico.