Mikha 6:14 - Siswati 1996 Bible

¹⁴ Niyawudla kudla, kodvwa ningesutsi; empeleni, niyawuchubeka nilambe. Niyawutibekela tivuno, kodvwa aniyiwukhona konga. Konkhe lenikongako ngiyawukucedza ngemphi.

Mikha 6:14 Referencias Cruzadas

Isaya 30:6

Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,

Isaya 65:13

Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Isaya 9:20

Ngesekudla bayawushwabudzela, kodvwa bachubeke balambe; ngesancele bayawudla, kodvwa bangeke besutse. Ngulowo nalowo uyakutondla ngenyama yentalelwane yakakhe;

Jeremiya 48:44

“Wonkhe lobalekela sesabiso uyawuhholokoshela emgodzini. Wonkhe lokhuphukako emgodzini uyawubhajwa elugibeni; ngobe ngiyawehlisela etikwaMowabi umnyaka wakhe wesijeziso,” kusho Simakadze.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hoseya 4:10

“Bayakudla tabelo tabo temihlatjelo, kodvwa bangeke besutse; bayawungenela bugwadla, kodvwa bangandzi, ngobe bamshiyile Simakadze,

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”

Hagayi 2:16

Nakufika nome ngubani endvundvumeni yalokutinhlavu lokutilinganiso letingema-20, tatilishumi kuphela. Nangabe ngunome ngubani aye emphongolweni weliwayini atsi uyewukha tilinganiso letingema-50, betingema-20 kuphela.