Mikha 5:1 - Siswati 1996 Bible

¹ Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Mikha 5:1 Referencias Cruzadas

Genesisi 35:19

Rakheli wafa wangcwatjwa eceleni kwemgwaco loya e-Efratha, lendzawo leseyatiwa ngekutsi yiBhetlehema.

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

1 Emakhosi 22:24

Sedekiya, umsa waKhenana, wasukuma wafumba Mikhaya ngemphama ebusweni, atsi: “LoMoya waSimakadze uhambe ngakuphi, nawusuka kimi uyewukhuluma kuwe?”

2 Emakhosi 24:2

Simakadze wamtfumelela emaBhabhulona, nemaSiriya, nemaMowabi, nema-Amoni kutsi atemhlasela. Wabatfumela kutsi batewubhubhisa Juda, ngekulandzela livi laSimakadze lalikhuluma ngetinceku takhe baphrofethi.

Jobe 16:10

Bantfu sebasitakele ngami, nguleyo ndvodza itisholo lekutsandzako ngami, banginhlakaya sihlatsi ngekungicoloshela, sebangakhele luzungu bahlangana ngami.

Taga 8:23

Ngemiswa phakadze, ekucaleni, umhlaba ungakadalwa.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 8:9

Hlabani inyandzaleyo, nine tive, nitfutfumele! Lalelani, nine nonkhe mave lakhashane. Tilungiseleleni kulwa imphi, nesabe! Tilungiseleleni kulwa imphi, nehlulwe!

Isaya 9:5

Tonkhe ticatfulo temasotja labetisebentisa emphini, nato tonkhe tembatfo tawo letibhucabhucwe engatini titawushiswa, tibe kudla kwemlilo.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Sililo 3:30

Akaniketele sihlatsi sakhe kulowo longamshaya ngemphama, atseleke ngemahloni nangelihlazo.

Hezekeli 21:32

Uyawuba tinkhuni tekubasa umlilo, ingati yakho iyawucitselwa eveni lakho, ungeke uphindze ukhunjulwe; ngobe mine, Simakadze sengikhulumile.’ ”

Hezekeli 24:2

“Ndvodzana yemuntfu, libhale phansi lelilanga, lelilanga lona leli, ngobe inkhosi yaseBhabhulona seyivimbetele iJerusalema ngalo lelilanga.

Danyela 9:25

“Yati loku ukucondzisise: Kusukela ekumisweni kwesimiso sekutsi kubuye kuvuswe kabusha iJerusalema yakhiwe, kuze kufike umbusi Logcotjiwe, kuyawuba netikhatsi letisikhombisa netikhatsi letingema-62. Iyakwakhiwa kabusha netitaladi tayo, kumbiwe nemsele wayo, kodvwa kuyawube sekutikhatsi tenhlupheko.

Joweli 3:9

“Memetelani naku etiveni: “ ‘Tilungiseleleni imphi! Vusani emabutfo! Emasotja akasondzele atewuhlasela.

Amose 2:3

Ngitawubhubhisa umbusi wakaMowabi kanye nato tonkhe tikhulu takhe,” kusho Simakadze.

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Matewu 26:67

Base bamkhafulela ngematse ebusweni, bamhlukumeta kamatima, bammukula

Matewu 27:30

Lamkhafulela ngematse, latsatsa lomhlanga, lamshaya enhloko.

Matewu 5:39

Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye.

Johane 18:22

Asakhuluma loko Jesu, lomunye wabogadzi labesedvutane naye wammukula ngemphama watsi: “Uphendvula umPhristi Lomkhulu nawusho nje?”

Johane 19:3

amphukuta, eta kuye afike atsi: “Bayethe! Nkhosi yemaJuda!” Ammukula ngetimphama.

Imisebenti yebaPhostoli 23:2

UmPhristi Lomkhulu, Ananiyase, watjela labo lababeseceleni kwaPawula kutsi abammukule emlonyeni.

2 kubaseKorinthe 11:20

Niyambeketelela nome ngubani lonigcilatako, nalonichwagako, nalonicaphatako, nalotichayisako, nalonimukula ebusweni.

Dutheronomi 28:49

“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

Tikhulu 17:7

Lenye insizwa yemndeni wakaLevi leyayiphuma eBhetlehema kulakaJuda, beyikadze ihlala nelusendvo lwakaJuda,