Mikha 4:13 - Siswati 1996 Bible

¹³ Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”

Mikha 4:13 Referencias Cruzadas

Tihlabelelo 24:1

Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Isaya 21:10

Awu, sive sami, senipitjitelwe phansi ebaleni lekubhulela kolo, ngiyanitjela loko lengikuvile kuSimakadze longuSomandla, kuNkulunkulu wema-Israyeli.

Isaya 23:18

Noko inzuzo yayo nemali yayo leyitfolako ingeke ibutsiswe ndzawonye, kodvwa iyakwehlukaniselwa Simakadze. Iyakwabelwa labo labakhonta Simakadze, babe nekudla lokunyenti netimphahla letinhle.

Isaya 5:28

imicibisholo yabo iyakhalipha, bonkhe butjoki babo sebugotjiwe, tinselo temahhashi abo tilukhuni njengematje, emasondvo etincola tabo temphi afanana nesiwunguwungwana semoya.

Jeremiya 51:20

“Ulizembe lami lemphi, nesikhali sami semphi, ngawe ngiphihlita tive, ngawe ngibhubhise imibuso.

Jeremiya 51:33

Naku lokushiwo nguSimakadze longuSomandla, Nkulunkulu wema-Israyeli, utsi: “INdvodzakati yaseBhabhulona injengendzawo yekubhulela kolo ngesikhatsi nayigcotjwagcotjwa, sikhatsi sekuyivuna iBhabhulona sitawufika masinyane.”

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Hoseya 10:11

“Efrayimu ulitfokati leliceceshiwe, lelikutsandzako kubhula emabele; ngako ngiyawubeka lijoko entsanyeni yakhe lenhle. Ngiyawubopha Efrayimu, Juda kufanele alime, Jakobe advube umhlabatsi.

Mikha 5:7

Ema-Israyeli layawusindza ayawufanana nematolo lahlumelelisako latfunyelwe nguSimakadze etiveni letinyenti, afanane nemvula lenetsa lokumilako. Ayawuncika kuNkulunkulu, hhayi kumuntfu.

Habakhuki 3:12

Ngelulaka wahambahamba wadzabula umhlaba, ngentfukutselo wagcobagcoba tive.

Zakhariya 12:3

Ngalelo langa, mhlazane tonkhe tive temhlaba tibutsene ndzawonye kutawumelana nayo, iJerusalema ngiyakuyenta ibe lidvwala lelisindzako kuto tonkhe tive. Bonkhe labetama kulisundvuta bayakutilimata bona.

Zakhariya 12:6

“Ngalelo langa baholi bakaJuda ngiyawubenta bafanane nelibhodo lemlilo encunjini yetigodvo, bafanane nesidlwane lesivutsa emalangabi esitfungweni. Bayawucotfula ngesekudla nangesancele tonkhe tive letibatungeletile, kodvwa iJerusalema iyawusala seloku injalo nje endzaweni yayo.

Zakhariya 4:14

Ngako yatsi: “Laba ngulababili labagcotjelwe kutsi bakhonte Simakadze wemhlaba wonkhe.”

Zakhariya 6:5

Lengilosi yangiphendvula, yatsi: “Lena ngimimoya yomine yasezulwini, iyaphuma ekumeni embikwaSimakadze wemhlaba wonkhe.

1 kubaseKorinthe 16:2

Njalo nje ngelilanga lekucala evikini, akube ngulowo nalowo alondvolote loko lokumlingene, kuze kutsi iminikelo ingentiwa sengikhona.

Dutheronomi 33:25

Imicabo yemasango akho iyawuba ngeyensimbi neyelitfusi, nemandla akho alingane nemalanga akho.

Joshuwa 6:19

Yonkhe igolide, nesiliva kanye netintfo letentiwe ngelitfusi nangensimbi tehlukaniselwe Simakadze, ngako kufanele timikiswe endlini yakhe yengcebo.”