Mikha 3:2 - Siswati 1996 Bible

² kodvwa esikhundleni saloko nitondza kulunga, nitsandze lokubi. Nihlinza bantfu bami, nihlube inyama yabo ematsanjeni abo.

Mikha 3:2 Referencias Cruzadas

1 Emakhosi 21:20

Ahabi watsi ku-Elija: “Wo! Sewungitfolile, sitsa sami!” Elija waphendvula watsi: “Ngikutfolile, ngobe utitsengise wena ngekwenta lokubi emehlweni aSimakadze.

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

Tihlabelelo 15:4

Akamtsandzi losalahlwe nguNkulunkulu, kodvwa uyabatisa labesaba Simakadze. Wenta sifungo, asigcine, nome sekumatima.

Tihlabelelo 53:4

Pho, bate yini lwati labantfu labenta lokubi? Badla bantfu bami kube shangatsi badla sinkhwa, bangathandazi nakuNkulunkulu.

Taga 28:4

Labo labephula umtsetfo ngemabomu badvumisa lababi; kodvwa labo labahlonipha umtsetfo baphambana nebantfu lababi.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Isaya 5:20

Maye kulabo labatsi lokubi kuhle, nalokuhle batsi kubi, lababeka bumnyama bube kukhanya, babeke kukhanya kube bumnyama, lababeka lokubabako kube ngulokunongotelako, babeke lokunongotelako kube ngulokubabako.

Isaya 57:12

Ngitakudalula kulunga kwakho kanye nemisebenti yakho, futsi ingeke ikusite ngalutfo.

Hezekeli 11:7

“Ngako-ke naku lokushiwo yiNkhosi Simakadze, itsi: Letidvumbu talabo lenibabulele lapho tiyinyama, lelidolobha lona lilibhodo, kodvwa ngitanikhipha kulo.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Hezekeli 24:4

Faka ekhatsi kulo lamacatsa enyama, tonkhe letitfo letikhetsekile, umlente nemkhono. Ligcwalise ngalancono alamatsambo,

Hezekeli 34:3

Nidla lihongo, nitembatsise ngetimphahla tensontfo, nitihlabele tifuyo telikhetselo, kodvwa aniwunakekeli umhlambi.

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Mikha 2:8

Simakadze waphendvula watsi: “Itolo loku sive sami sisukume phansi njengesitsa. Nihlubula tembatfo letinhle tebunjinga kulabo labendlulako, banganaki njengemabutfo labuya emphini.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Johane 18:40

Bamphendvula bamemeta batsi: “Hhayi lowo! Sifuna Bharaba!” Bharaba abesigelekece.

Johane 7:7

Live lingeke linitondze nine, kodvwa mine liyangitondza, ngobe ngifakaza ngalo kutsi imisebenti yalo mibi.

KubaseRoma 1:32

Bayawati umtsetfo waNkulunkulu lotsi bantfu labenta tintfo letinje bafanele kufa, kepha bona abagcini ngekutenta kuphela kodvwa besuka bavumelana nalabo labatentako.

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

2 kuThimothi 3:3

babete lutsandvo, bangatsetselelani. Bayawuba tinyoka, bangatitsibi, babe nebulwane, batondze lokuhle,