Mikha 1:8 - Siswati 1996 Bible

⁸ Mikha wase utsi: “Ngenca yaloko ngitawukhala ngilile kuze ngikhombise kudzabuka kwami, ngitawuhamba ngcunu ngingafaki ngisho neticatfulo, ngishaye umkhulungwane njengenja, ngikhale njengesahhukulu, ngikekele njengenshi.

Mikha 1:8 Referencias Cruzadas

2 Emakhosi 18:13

Ngemnyaka weli-14 wekubusa kwenkhosi Hezekiya, kwesuka Senaheribi, inkhosi yase-Asiriya, wahlasela onkhe emadolobha latinqaba akaJuda, wawatfumba.

Esta 4:1

Watsi kube Modekhayi eve ngako konkhe loko lokwase kuhloswe kwentiwa nguHamani, wadzabula tingubo takhe, wembatsa emasaka, watitsela ngemlotsa, wahamba adzabula lidolobha ekhatsi, akhala kakhulu nakabuhlungu,

Jobe 30:29

Sengigucuke ngaba ngumnakabomphungutja, ngaba ngumngani wetahhukulu.

Tihlabelelo 102:6

Sengifanana nelingce lasehlane, ngifanane nesikhova setindzala.

Isaya 13:21

Kodvwa tilwane tasehlane tiyawulala khona, timphungutja tiyawugcwala etindlini takhona, tikhova tiyawuhlala khona, netimbuti tesiganga tiyawutjakadvula khona.

Isaya 13:22

Timphisi tiyawushaya umkhulungwane kuleto tinqaba tayo, kanjalo netimphungutja etigodlweni tayo. Sikhatsi sayo sesisondzele, nemalanga ayo angeke andziswe.”

Isaya 16:9

Ngako ngiyakhala, njengobe kukhala iJaseri, ngikhalela imivini yaseSibima. Awu! Heshboni, nawe Eleyale, nginenye etinyembetini! Kumemeta kwenjabulo ngetitselo tenu lesetivutsiwe kuthulisiwe, kwabindziswa nenjabulo ngetivuno tenu.

Isaya 21:3

Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Isaya 22:4

Ngako-ke ngatsi: “Sukani lapha kimi, ase ngikhale kabuhlungu. Ningacali netame kungidvudvuta ngekubhujiswa kwesive sakitsi.”

Isaya 32:11

Tfutfumelani, nine bafati labakhibikile; yesabani, nine madvodzakati lenitivela niphephile! Khumulani kwekwembatsa kwenu. Vunulani emasaka etinkhalo tenu.

Jeremiya 4:19

Maye, tinhlungu tami, tinhlungu tami! Ngiyashumpha etinhlungwini tami. Maye, kuqaqamba kwenhlitiyo yami! Inhlitiyo yami iyaqaqamba ngekhatsi kwami, ngehluleka nekubindzisa. Ngobe ngikuvile kukhala kwelicilongo, ngikuvile kuhlatjwa kwemkhosi wemphi.

Jeremiya 9:1

Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Jeremiya 9:19

Umsindvo wesililo sewuvakele uvela eSiyoni, utsi: ‘Maye, likhulu bo lihlazo letfu! Sekufanele silishiye lelive letfu, ngobe tindlu tetfu setiyimfuhlululu.’ ”

Hezekeli 32:18

“Ndvodzana yemuntfu, lilela ticumbi tebantfu baseGibhithe, bese ubehlisela emhlabeni longaphansi, yona kanye nemadvodzakati etive letinemandla kanye nalabo labehlela emgodzini.

Mikha 2:4

Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”

1 Samuweli 19:24

Naye wakhumula tingubo takhe, asahhungulekile njengalaba labanye, naye waphrofetha embikwaSamuweli. Walala angcunu, lonkhe lilanga nebusuku bakhona. Ngiko nje bantfu baze batsi: “Kantsi naSawula sewusemkhatsini webaphrofethi yini?”