Matewu 9:33 - Siswati 1996 Bible

³³ Latsi kube likhishwe lelidimoni, lendvodza yase iyakhuluma. Bantfu bonkhe bamangala, baze batsi: “Akuzange sekubonwe lokunje ka-Israyeli!”

Matewu 9:33 Referencias Cruzadas

2 Emakhosi 5:8

Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

Tihlabelelo 76:1

Nkulunkulu uyatiwa kaJuda, libito lakhe likhulu ka-Israyeli.

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Jeremiya 32:20

Wenta tibonakaliso letimangalisako netimanga eGibhithe, uchubeke nato kwaze kwaba ngulamuhla, lapha ka-Israyeli nakubo bonkhe bantfu bemhlaba, waze watfola ludvumo nekwatiwa lokusekwakho nanyalo.

Matewu 8:10

Jesu nakuva loko, wamangala, watsi kulaba babemlandzela: “Ngicinisile, ngitsi kini: Ngisho naka-Israyeli angizange sengikutfole kukholwa lokunje.

Matewu 9:32

Batsi baphuma nje, kwabe kungeniswa lenye indvodza leyayisimungulu inelidimoni.

Makho 2:12

Ngekushesha lomuntfu wasukuma watsatsa luhlaka lwakhe, wahamba bonkhe bambukile. Bamangala bonkhe, badvumisa Nkulunkulu, batsi: “Asizange sesikubone lokunje.”

Lukha 11:14

Jesu abekhipha lidimoni lelingakhulumi; nasalikhiphile lelidimoni, lendvodza yacala yakhuluma; tamangala ticumbi tebantfu,

Lukha 7:9

Jesu wamangala nakeva loku, wagucuka wabuka lesicumbi sebantfu lesasimlandzela watsi: “Angizange sengikubone kukholwa lokungaka ngisho naka-Israyeli imbala.”