Matewu 8:20 - Siswati 1996 Bible

²⁰ Jesu wamphendvula watsi: “Timphungutja tinemigodzi, netinyoni tinetidleke, kodvwa iNdvodzana yeMuntfu ite indzawo yekulala iphumule.”

Matewu 8:20 Referencias Cruzadas

Tihlabelelo 104:12

Tinyoni tesiganga takhela ngakuyo, tintjilote emkhatsini wemagala.

Tihlabelelo 104:17

tinyoni letakhele tidleke tato kuyo, gilonki wakhela etulu emagaleni ato.

Tihlabelelo 109:22

Ngobe mine ngisihlupheki nalomphofu, inhlitiyo yami idzabukile.

Tihlabelelo 40:17

Nome ngihlupheka ngimphofu, kepha iNkhosi iyanginakekela. Wena ungumsiti wami nemkhululi wami; Nkulunkulu wami, ungalibali.

Tihlabelelo 69:29

Kepha mine ngiselusizini lwetinhlungu. Insindziso yakho, Nkulunkulu, ayingilondvolote, ingigcine endzaweni lephakeme.

Tihlabelelo 84:3

Ncedze uyayitfola indzawo yesidleke, nenkonjane iyayitfola indzawo yekwakhela indlu yayo, lapho ingachobosela khona emazini ayo. Lendzawo ingasemalatini endlu yakho, Simakadze wemabandla, Nkhosi yami, naNkulunkulu wami.

Danyela 7:13

“Embonweni wami wasebusuku, ngabona embikwami kwakume umuntfu labenjengendvodzana yemuntfu, abehla ngemafu asezulwini. Wasondzela kuloLophila Phakadze Naphakadze, waholeleka ebukhoneni bakhe.

Matewu 12:32

Wonkhe lokhuluma kabi ngeNdvodzana yeMuntfu uyawutsetselelwa; kodvwa lokhuluma kabi ngaMoya Longcwele, angeke atsetselelwe, kuleli nakulelitako.”

Matewu 12:40

Njengobe naJona ahlala emalanga lamatsatfu nebusuku lobutsatfu esiswini semkhoma, kanjalo futsi neNdvodzana yeMuntfu iyawuhlala emalanga lamatsatfu nebusuku lobutsatfu ematfunjini emhlaba.

Matewu 12:8

Ngobe iNdvodzana yeMuntfu iyiNkhosi yeliSabatha.”

Matewu 13:37

Yena wabaphendvula watsi: “Lona lowahlanyela inhlanyelo lenhle yiNdvodzana yeMuntfu.

Matewu 16:13

Jesu wesuka lapho, waya eveni lelisedvute nelidolobha laseKhesariya Filiphi, lapho afike wabuta bafundzi bakhe watsi: “Bantfu batsi iNdvodzana yeMuntfu ingubani?”

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 17:9

Basehla kulentsaba Jesu wabadvonsa ngendlebe, watsi: “Ningatjeli muntfu ngalombono leniwubonile, kuze kuvuswe iNdvodzana yeMuntfu kulabafile.”

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Makho 8:38

Lowo lonemahloni ngami, nangemavi ami, kulesitukulwane lesonakele nalesiphingako, neNdvodzana yeMuntfu iyawuba nemahloni ngaye, nayifika ebukhosini beYise kanye netingilosi letingcwele.”

Lukha 12:8

“Nginitjela kutsi: Longivuma embikwebantfu kutsi wami, iNdvodzana yeMuntfu nayo iyawumvuma embikwetingilosi taNkulunkulu.

Lukha 18:8

Nginitjela kutsi uyawubevela ngekushesha. Kodvwa ingabe iNdvodzana yeMuntfu nayibuyako iyawukukhandza kukhona yini kukholwa emhlabeni?”

Lukha 2:12

Loku kutaba sibonakaliso kini: Niyawukhandza umntfwana agocotwe ngetindvwangu alele emkhombeni wekudlela tinkhomo.”

Lukha 2:16

Ngako-ke bashesha bahamba, bakhandza Mariya naJosefa nemntfwana alele emkhombeni wekudlela tinkhomo.

Lukha 2:7

Watubula ngendvodzana, wayigocota ngetindvwangu, wayilalisa emkhombeni wekudlela tinkhomo, ngobe phela kwakungenandzawo yekuhlala endlini yetihambi.

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Lukha 8:3

Jwana umkaKhuza, indvuna yesigodlo saHerodi, naSusana, nalabanye labanyenti bafati lababekhonta Jesu nebafundzi bakhe ngaloko lababenako.

Lukha 9:58

Jesu watsi kuyo: “Timphungutja tinemigodzi, netinyoni tinetidleke, kodvwa iNdvodzana yeMuntfu ayinandzawo yekulala iphumule.”

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

Johane 12:34

Lesicumbi samphendvula satsi: “Sivile emtsetfweni kutsi Khristu uyawuphila kuze kube phakadze. Kepha wena usho kanjani kutsi iNdvodzana yeMuntfu itawuphakanyiswa? Ngubani yona leNdvodzana yeMuntfu?”

Johane 13:31

Ngako-ke asaphumile Judasi, Jesu watsi: “Manje iNdvodzana yeMuntfu ikhatimulisiwe, naNkulunkulu ukhatimulisiwe kuyo.

Johane 3:13

Kute lowase wenyukela ezulwini ngaphandle kweNdvodzana yeMuntfu, leyehla ezulwini.

Johane 3:14

“Njengobe naMosi aphakamisa inyoka ehlane, kanjalo-ke neNdvodzana yeMuntfu ifanele kuphakanyiswa,

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Johane 6:53

Jesu watsi kubo: “Ngicinisile, ngicinisile, ngitsi kini: Naningayidli inyama yeNdvodzana yeMuntfu, ninatse nengati yayo, nite kuphila.

Johane 6:62

Kepha niyawutsini nase nibona iNdvodzana yeMuntfu yenyuka iya lapho beyivele ikhona kucala?

Imisebenti yebaPhostoli 7:56

Watsi: “Ase nibuke! Ngibona lizulu livulekile neNdvodzana yeMuntfu ime ngesandleni sekudla saNkulunkulu.”

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.