Matewu 8:11 - Siswati 1996 Bible

¹¹ Kepha ngiyanitjela ngitsi: Labanyenti bayawuchamuka emphumalanga nasenshonalanga, bahlale etafuleni kanye na-Abrahama, na-Isaka, naJakobe embusweni welizulu.

Matewu 8:11 Referencias Cruzadas

Genesisi 12:3

Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”

Genesisi 22:18

Tive tonkhe temhlaba tiyawubusiswa ngetitukulwane takho, ngobe ulalele livi lami.’ ”

Genesisi 28:14

Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Tihlabelelo 22:27

Umhlaba wonkhe uyakukhumbula ugucukele kuSimakadze, yonkhe imindeni netive temhlaba tiyawukhotsama embikwakhe,

Tihlabelelo 98:3

Uwukhumbulile umusa wakhe nekwetsembeka kwakhe kubaka-Israyeli. Imikhawulo yonkhe yemhlaba iyibonile insindziso yaNkulunkulu.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Isaya 59:19

Kusukela enshonalanga kuye lapho kuphuma ngakhona lilanga, bantfu bayawulesaba Libito laSimakadze, bahloniphe bukhosi bakhe. Ngobe uyawufika njengesikhukhula semfula lokhukhulwa kuphefumula kwaSimakadze.

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Matewu 21:41

Bamphendvula batsi: “Uyawutibhubhisa kabi leticashi letimbi, atsatse lesivini sakhe acashise ngaso kuletinye ticashi letiyakumnika titselo ngetikhatsi tato.”

Matewu 24:31

Iyawutfumela tingilosi tayo ngekukhala lokukhulu kwelicilongo, tibutse bonkhe labakhetsiwe bayo emagumbini omane emhlaba, kusukela emkhawulweni lomunye welizulu kuze kube kulomunye.”

Matewu 3:2

atsi: “Phendvukani, ngobe umbuso welizulu sewusondzele.”

Matewu 8:10

Jesu nakuva loko, wamangala, watsi kulaba babemlandzela: “Ngicinisile, ngitsi kini: Ngisho naka-Israyeli angizange sengikutfole kukholwa lokunje.

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Lukha 16:22

“Lendvodza leluphuya yafa yemukelwa tingilosi, tayiyisa edzilini lasezulwini, lapho tefike tayibeka edvute na-Abrahama; nesicebi safa sangcwatjwa.

Imisebenti yebaPhostoli 10:45

Emakholwa emaJuda labephuma eJopha kanye naPhetro amangala kutsi Nkulunkulu utfululele sipho sakhe lesinguMoya Longcwele, ngisho nakubetive imbala;

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

Imisebenti yebaPhostoli 14:27

Lapho sebefike e-Antiyokhi babutsela bantfu belibandla ndzawonye babatjela konkhe Nkulunkulu labekusebentile ngabo, nekutsi nebetive ubavulele indlela yekukholwa.

1 kubaseKorinthe 15:20

Kepha manje Khristu wavuswa kulabafile, waba ngumvuli wendlela kulabo labatawuvuka kulabafile.

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

Kubase-Efesu 3:6

Imfihlakalo ngulokutsi betive nabo sebatindlalifa kanye natsi, nekutsi sebangumtimba munye kanye natsi, futsi sebabahlanganyeli besetsembiso kanye natsi kuJesu Khristu ngeliVangeli.

KubaseKholose 3:11

Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.

2 kubaseThesalonika 1:5

Loku kusibonelo lesikhanyako ngekwehlulela kwaNkulunkulu lokunekulunga, nize nitfolakale ningulabafanele umbuso waNkulunkulu wona lowo leniwuhluphekelako.

Sembulo 7:6

esiveni saka-Asheri baba ti-12 000, esiveni sakaNaftali baba ti-12 000, esiveni sakaManase baba ti-12 000,