Matewu 7:15 - Siswati 1996 Bible

¹⁵ “Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali.

Matewu 7:15 Referencias Cruzadas

1 Emakhosi 13:18

Nalomphrofethi lomdzala waphendvula, watsi: “Nami futsi ngingumphrofethi njengawe. Ingilosi ikhulume kimi ngelivi laSimakadze, yatsi: ‘Mlandze, ute naye lapha kakho, khona atekudla kudla, anatse nemanti.’ ” Kodvwa abecala emanga.

Jeremiya 29:21

Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.

Jeremiya 29:32

naku lokushiwo nguSimakadze utsi: Ngempela, ngitamjezisa Shemaya waseNehelamu kanye nesitukulwane sakhe. Kute namunye loyawusala kulabantfu laba, futsi akayiwubona nakunye kwetintfo letinhle lengiyawutentela bantfu bami, ngobe yena ushumayele kuhlubuka mine, kusho Simakadze.’ ”

Hezekeli 13:16

kanye nebaphrofethi baka-Israyeli labaphrofetha kuyo iJerusalema, babona nemibono yekuthula kwayo, kube kona kungekho kuthula, kusho iNkhosi Simakadze.” ’ ”

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Hezekeli 22:27

Tiphatsimandla talo letisemkhatsini welive tifanana netimphisi letidladlabula tinyamatane tato; ticitsa ingati tibulale bantfu, khona titewutfola inzuzo lembi.

Danyela 11:34

Bayawutsi nabawa, batfole lusito loluncane, labanyenti labatentisako bayawutihlanganisa nabo.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Zakhariya 13:4

“Ngalelo langa ngulowo nalowo mphrofethi uyawuba nemahloni ngembono wakhe. Angeke aphindze ayembatse ingubo yeboya yebuphrofethi kuze atekukhohlisa.

Matewu 10:17

Kepha nicaphele bantfu, ngobe bayawunibopha banifake etinkantolo, banibhambabule emasinagogeni abo.

Matewu 16:11

Aniboni ngani kutsi bengingakhulumi kini ngesinkhwa? Kepha caphelani imbiliso yebaFarisi nebaSadusi!”

Matewu 16:6

Jesu watsi kubo: “Nibocaphela, ningangenwa yimbiliso yebaFarisi nebaSadusi!”

Matewu 24:11

Kuyakuvela baprofethi bemanga labanyenti, bedukise bantfu labanyenti.

Matewu 7:14

Kepha lisango lincane nendlela yincane leyisa ekuphileni, nebantfu labayitfolako bambalwa.”

Lukha 12:15

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

Lukha 6:26

Maye kini, nangabe wonkhe umuntfu ukhuluma kahle ngani; ngobe bokhokho babo bebenta njalo kubaphrofethi bemanga.”

Johane 10:12

Umuntfu locashiwe, longesiye umelusi wetimvu, naletimvu kungesito takhe, nakabona imphisi ita, ushiya letimvu, abaleke, imphisi itisukele itihlakate.

Imisebenti yebaPhostoli 13:40

Ngako-ke caphelani, kuze kutsi lokwashiwo baphrofethi kungenteki kini:

Imisebenti yebaPhostoli 13:6

Bahamba yonkhe indlela lejuba esichingini baya ePhafosi, lapho bahlangana naBhajesu labesangoma, umJuda labengumphrofethi wemanga.

KubaseGalathiya 2:4

Kodvwa bazalwanembumbulu labaletfwa ngasese, bangena ngekunyelela emkhatsini wetfu, batinhloli tenkhululeko yetfu lesinayo kuKhristu Jesu, khona batesenta tigcili.

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

KubaseFiliphi 3:2

Caphelani tinja, nicaphele tisebenti tebubi, nicaphele bekusika umtimba.

KubaseKholose 2:8

Caphelani-ke kutsi kubete lonitfumba ngekuhlakanipha, nangekukhohlisa lokulite, aniyenge ngemikhuba yebantfu nangetimfundziso temimoya yemvelo emkhatsini. Konkhe loko kuphambene nendlela yaKhristu.

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

2 kuThimothi 4:3

Ngobe siyeta sikhatsi lapho bangeyiwuyemukela imfundziso lephilile; kodvwa ngekwenkhanuko yabo bayawutibutsela bafundzisi babo, bafundziswe loko labatsandza kufundziswa kona.

2 yaPhetro 3:17

Kodvwa nine, batsandzekako, seniyakwati loku. Ngako-ke, caphelani, kuze ningedukiswa ngemaphutsa alabangenamtsetfo, bese niyawa ekucineni kwenu.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

Sembulo 16:13

Ngase ngibona imimoya lemibi lemitsatfu: Lomunye wawuphuma emlonyeni wanyokangwenya, lomunye uphuma emlonyeni wesilo, lomunye uphuma emlonyeni wemphrofethi wemanga. Lemimoya beyinjengetigogodvolo.

Sembulo 17:6

Ngabona kutsi lomfati abesadzakwe yingati yalabangcwele, nengati yalabo labafela kufakaza ngaJesu. Ngatsi nangimbona lomfati, ngamangala kakhulu.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.