Matewu 6:31 - Siswati 1996 Bible

³¹ “Ngako-ke ningakhatsateki ngekutsi: ‘Sitawudlani?’ nome: ‘Sitawunatsani?’ nome: ‘Sitakwembatsani?’

Matewu 6:31 Referencias Cruzadas

2 Tikhronike 25:9

Amasiya wabuta lomuntfu waNkulunkulu, watsi: “Kepha sekutakwentiwa njani ngalesiliva lengemakhilogremu lati-3 400 lesengiyikhokhele lamabutfo ema-Israyeli?” Lomuntfu waNkulunkulu waphendvula watsi: “Simakadze angakunika lokunyenti kakhulu kunaloko.”

Tihlabelelo 111:5

Ubapha kudla labo labamesabako, sivumelwane sakhe uyasikhumbula phakadze naphakadze.

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

Tihlabelelo 55:22

Lahlela imitfwalo yakho kuSimakadze, yena uyawukusimisa; angeke avume phakadze naphakadze kutsi lolungile wakhe atanyatanyiswe.

Matewu 15:33

Bafundzi bakhe batsi kuye: “Konje lapha ehlane singakutfolaphi nje kudla lokungenela lesicumbi sebantfu lesingaka?”

Matewu 4:4

Jesu waphendvula watsi: “Kubhaliwe kutsi: “ ‘Umuntfu angeke aphile ngesinkhwa sodvwa, kodvwa uphila ngawo onkhe emavi laphuma emloyeni waNkulunkulu.’ ”

Matewu 6:25

“Ngako-ke ngitsi kini: Ningakhatsateki ngetimphilo tenu kutsi nitakudlani ninatseni, nangemitimba yenu kutsi nitakwembatsani. Imphilo ayiyinkhulu yini kunekudla, nemtimba kunekwekwembatsa?

Matewu 6:27

Kukhona yini emkhatsini wenu longatengetela umzuzwana ebudzeni bemphilo yakhe ngekutihlupha kwakhe?

Lukha 10:41

INkhosi yamphendvula yatsi: “Mata, ye Mata! Utikhatsata ngetintfo letinyenti,

Lukha 12:11

“Nabaniletsa kutenigweba emasinagogeni, nome embikwebabusi nemakhosi, ningakhatsateki ngekutsi niyawutsini nitiphendvulele njani.

Lukha 12:22

Jesu wase utjela bafundzi bakhe utsi: “Ngako-ke nginitjela kutsi: Ningakhatsateki ngemphilo yenu, nekutsi nitawudlani, nangekutsi nitakwembatsani emitimbeni yenu.

Lukha 12:29

Ngako ningakhatsateki ngekufuna leningahle nikudle nikunatse; netingcondvo tenu tingakhatsateki.

KubaseFiliphi 4:6

Ningakhatsateki ngalutfo. Kepha kuko konkhe ticelo tenu atatiwe nguNkulunkulu, ngekukhuleka nekuncusa kanye nekubonga.

1 yaPhetro 5:7

Lahlelani kuye konkhe kukhatsateka kwenu, ngobe yena uyanikhatsalela.