Matewu 6:30 - Siswati 1996 Bible

³⁰ Kodvwa nangabe Nkulunkulu abembatsisa kangaka tjani besiganga, lobuphilako lamuhla, kusasa bushe, akayiwunembatsisa kakhulu yini nine leninekukholwa lokuncane?

Matewu 6:30 Referencias Cruzadas

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Matewu 14:31

Masinyane Jesu welula sandla sakhe, wambamba watsi: “Maye, kukholwa kwakho kuncane-bo! Ungatsitelani?”

Matewu 16:8

Kepha Jesu akwati loko watsi kubo: “Nine bantfu bekukholwa lokuncane, nentiwa yini kutsi nikhulumisane nodvwana ngekutsi kwentiwa ngobe nite tinkhwa?

Matewu 17:17

Jesu waphendvula watsi: “Yehheni, situkulwane lesingakholwa nalesiphambene, kuyawudzimate kube ngunini nginani? Kuyawudzimate kube ngunini nginibeketelela? Yiletseni la kimi!”

Matewu 8:26

Jesu wabaphendvula watsi: “Nesabani, nine bekukholwa lokuncane?” Wasukuma wasekhuta lesivunguvungu kanye nelwandle, kwase kuba khona kuthula lokukhulu.

Makho 4:40

Watsi kubafundzi: “Nesabani kodvwa? Nentiwa yini lokutsi nibete kukholwa?”

Makho 9:19

Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”

Lukha 12:28

Nangabe Nkulunkulu embatsisa tjani besiganga lobukhona lamuhla, kusasa abusekho sebushile, angeke yini etsembeke kutsi anganembatsisa nani? Maye, bantfu bekukholwa lokuncane!

Lukha 9:41

Jesu waphendvula watsi: “Yehheni, nine situkulwane lesonakele nalesingakholwa, ngiyawuhlala nani kuze kube ngunini nginibeketelela? Mletse lapha lomsa wakho.”

Johane 20:27

Jesu watsi kuTomase: “Faka umuno wakho la, ubone tandla tami; welule nesandla sakho, usifake emhlubulweni wami. Khawula kungakholwa, kodvwa bani ngulokholwako!”

KumaHebheru 3:12

Caphelani-ke, bazalwane, kutsi kubete emkhatsini wenu lonenhlitiyo lembi nalengakholwa, longahle ahlubuke loNkulunkulu lophilako.

1 yaPhetro 1:24

Ngobe umBhalo utsi: “Wonkhe umuntfu ufanana netjani; nebukhosi bakhe bunjengembali yesiganga; tjani buyabuna, nembali yabo iyahhohloka.