Matewu 6:3 - Siswati 1996 Bible

³ Kepha wena nawupha sipho, sandla sakho sangesancele asingakwati lesikwentako sangesekudla,

Matewu 6:3 Referencias Cruzadas

Matewu 12:19

Angeke abange, angeke akhale, kantsi futsi kute naloyakuliva livi lakhe etitaladini.

Matewu 6:2

“Ngako-ke nawupha lutfo kumuntfu loswele, ungamemeteli, njengobe kwenta batentisi emasinagogeni nasetitaladini, khona batewudvunyiswa bantfu. Ngicinisile, ngitsi kini: Sebawemukele umvuzo wabo.

Matewu 6:4

kuze sipho sakho sibesekusitsekeni, khona uYihlo lobona ekusitsekeni utakuvuza.”

Matewu 8:4

Jesu wase utsi kuye: “Lalela la! Ungatjeli muntfu, kodvwa hamba uye kumphristi akubone, bese wenta umnikelo wekubonga lowamiswa nguMosi, ukhombise nebantfu kutsi sewuhlantekile.”

Matewu 9:30

Ase ayavuleka emehlo ato. Jesu watiyalisisa watsi: “Ningatjeli muntfu ngaloku!”

Makho 1:44

watsi kuye: “Caphelisisa-ke, ungacali ukhulume kumuntfu ngaloku; hamba uye kumphristi akuhlole, bese ukhipha umnikelo wekubonga lokuhlanjululwa kwakho, njengaloku Mosi ayala, khona bonkhe bantfu batawuciniseka kutsi uhlambulukile.”

Johane 7:4

Kute lofihla lakwentako nakafuna kutsi atiwe. Njengobe wenta letintfo nje, tibonakalise wena kulo lonkhe live.”