Matewu 5:6 - Siswati 1996 Bible

⁶ Babusisiwe labalambele bomele kulunga, ngobe bayakwesutsiswa.

Matewu 5:6 Referencias Cruzadas

Tihlabelelo 107:9

Ngobe wenelisa umuntfu lowomile, lolambile umesutsisa ngalokuhle.

Tihlabelelo 145:19

Wesutsisa kufisa kwabo bonkhe labamesabako, uyabeva nabakhalako, abasindzise.

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 63:5

Umphefumulo wami uyakwesutsiswa kube shangatsi ngidle emanoni nemnkantja, nemlomo wami ukudvumise ngenjabulo.

Tihlabelelo 65:4

Ubusisiwe umuntfu lokhetfwa nguwe umsondzete kuwe, uyawuhlala endzaweni yakho lengcwele. Siyakwesutsiswa ngalokuhle kwendlu yakho, lithempeli lakho lelingcwele!

Tihlabelelo 84:2

Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako.

Taga 10:24

Lokwesatjwa ngumuntfu lomubi kuyamehlela; kodvwa lolungile uphiwa loko lakufunako.

Taga 21:21

Umuntfu lowetama kutiphatsa ngekulunga nangekwetsembeka, uyawuphila imphilo lehloniphekile.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 65:13

Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Jeremiya 31:25

Ngiyawubahlumelelisa labo lasebadzangele, ngicinise labo labaphelelwa ngemandla.”

Lukha 1:53

Wesutsisa labalambile ngalokumnandzi, wacosha labanjingile bahamba bate lutfo.

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

Lukha 6:25

“Maye kini nine lenesutsi manje, ngobe nisetawulamba. Maye kini nine lenihlekako nyalo, ngobe nisetawukhala nilile.

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Johane 7:37

Kepha ngelilanga lelikhulu lekugcina lemkhosi, Jesu wasukuma wema, wamemeta ngelivi lelikhulu watsi: “Nakukhona lowomile, akete kimi anatse.

Sembulo 7:16

Bangeke baphindze balambe, bangeke baphindze bome, lilanga lingeke liphindze libahlabe ngekubashisa, kute nome ngayini leyawubashisa.