Matewu 3:4 - Siswati 1996 Bible

⁴ Johane abegcoka ingubo yeboya belikamela, avunule libhande lesikhumba elukhalweni lwakhe. Kudla kwakhe kwakutintsetse neluju lwetinyosi tesiganga.

Matewu 3:4 Referencias Cruzadas

2 Emakhosi 1:8

Tayiphendvula tatsi: “Bekuyindvodza leyembetse ingubo yeboya, ibophe libhande lesikhumba lapha elukhalweni.” Inkhosi yatsi: “Lowo bekungu-Elija waseThishbe.”

Isaya 20:2

ngaleso sikhatsi Simakadze wakhuluma nga-Isaya, umsa wa-Amose. Wakhuluma kuye, watsi: “Khumula lamasaka emtimbeni wakho, naletincabule lapha etinyaweni takho.” Wakwenta loko Isaya, wahamba asangcunu, angakafaki lutfo nasetinyaweni.

Levithikusi 11:22

Tintsetse leningatidla nguleti: sikhonyane ngetinhlobo taso, nemaboni ngetinhlobo tawo, nemadziya ngetinhlobo tawo, nemahhwele ngetinhlobo tawo.

Zakhariya 13:4

“Ngalelo langa ngulowo nalowo mphrofethi uyawuba nemahloni ngembono wakhe. Angeke aphindze ayembatse ingubo yeboya yebuphrofethi kuze atekukhohlisa.

Malakhi 4:5

“Bukani la, ngiyawunitfumelela umphrofethi Elija, lingakefiki lelo langa lelikhulu nalelesabekako laSimakadze.

Matewu 11:18

Ngobe Johane wefika angadli, anganatsi, base batsi: ‘Unelidimoni.’

Matewu 11:8

Kantsi nanisukele kuyawubonani, vele? Naniyewubona umuntfu lowembetse tingubo letinhle yini? Anati yini kutsi labanjalo basetindlini temakhosi?

Makho 1:6

Johane abembatsa ingubo leyayentiwe ngeboya belikamela atibophe ngelibhande lesikhumba elukhalweni, abedla tintsetse neluju lwetinyosi tesiganga.

Lukha 1:17

Uyawuhamba embikwakhe ngemoya nangemandla njengemphrofethi Elija. Uyawuhlanganisa boyise nebantfwana babo babuye babe nebudlelwane, agucule bantfu labangalaleli babe ngulabalungile; uyakwenta bantfu balungele kuta kweNkhosi yabo.”

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”