Matewu 3:12 - Siswati 1996 Bible

¹² Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”

Matewu 3:12 Referencias Cruzadas

Jobe 21:18

Kukangakhi bafanana netinhlanga emoyeni, babe njengemakhoba lapheshulwa sivunguvungu?

Tihlabelelo 1:4

Lababi-ke bona abanjalo, banjengemakhoba wona lapheshulwa ngumoya.

Tihlabelelo 35:5

Ababe njengemakhoba wona apheshulwa ngumoya, ingilosi yaSimakadze isabadvungulula.

Isaya 1:31

Emadvodza lanemandla ayawuba timbhaca, umsebenti wawo ufanane nenhlase: kokubili kuyawusha ndzawonye, kubete longawucisha lowo mlilo.”

Isaya 17:13

Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Isaya 27:4

Angikatfukutseli. Kube mane bekunetinchachabutane nemanyeva langisukelako! Bengitawushuca ngiyekuwahlasela emphini; bengitawahloseka onkhe ngemlilo.

Isaya 28:28

Lokutinhlavu kufanele kusilwe kutekwentiwa sinkhwa; ngako-ke akulitjalwa kukubhula siphelane. Nome achuba emasondvo enkalishi yakhe yekubhula etikwako, emahhashi akhe akakusili.

Isaya 30:24

Tinkhabi netimbongolo letiwusebentako lomhlaba tiyakudla lifolishi neluhlata lolwendlalwe ngetimfologo nangemafosholo.

Isaya 41:16

Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Isaya 66:24

“Bayawuphumela ngephandle babuke tidvumbu talabo labangihlubukile; imphetfu lebadlako ngeke ife, kanjalo nemlilo lobashisako ungeke ucinywe, bayakwenyanyeka kubo bonkhe bantfu.”

Jeremiya 15:7

Ngiyakubahlunga ngemfologo yekuhlenga ngasemasangweni emadolobha elive. Ngitawuletsa sifo nembhubhiso esiveni sami, ngobe abakatiguculi tindlela tabo.

Jeremiya 17:27

Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”

Jeremiya 4:11

Ngalelo langa lesive kanye nebantfu baseJerusalema bayawutjelwa kutsiwe: “Umoya loshisako lochamuka etindzaweni letiphakeme tasehlane uhhusha ucondze kulesive sami, kodvwa hhayi kutewuhlunga nome kutewuhlambulula;

Jeremiya 51:2

Ngiyawutfumela tihambi eBhabhulona kutsi titeyihlunga tibhubhise nelive layo. Tiyawumelana nayo ndzawo tonkhe, ngelilanga lenhlekelele yayo.

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Hoseya 13:3

Ngako-ke bayawufanana nenkhungu yasekuseni, babe njengematolo asekuseni lanyamalalako, bafanane nemakhoba laphephuka ebaleni lekubhula, babe njengentfutfu lephuma ngelifasitelo ibaleke.

Amose 9:9

“Ngako ngiyawukhipha umyalo, nginyakatise indlu yaka-Israyeli emkhatsini wato tonkhe tive, njengemabele nakanyakatiswa ngesisefo, kodvwa kute ngisho nayinye inhlavu leyakuwela emhlabatsini.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 13:30

Yekelani nje kukhule kokubili ndzawonye, kuze kube sikhatsi sekuvuna, kuvunwe; nasekuvunwa ngitawutjela labavunako kutsi babutse lukhula kucala, balubophe tincumbi, kuze lutewushiswa; bese-ke nibutsela emabele ndzawonye esiteni sami.’ ”

Matewu 13:41

INdvodzana yeMuntfu iyawutfumela tingilosi tayo tiyewubutsa tikhiphe konkhe lokubanga kona nabo bonkhe benti balokubi embusweni wayo,

Matewu 13:42

tibalahle emlilweni lowesabekako, lapho bayawukhala kudzimate kugedletele ematinyo.

Matewu 13:43

Lapho bantfu baNkulunkulu bayawukhanya njengelilanga embusweni weYise. “Lalelani-ke, naninendlebe yekuva.”

Lukha 3:16

Ngako Johane wabatjela bonkhe watsi: “Nginibhabhatisa ngemanti, kodvwa kukhona lomkhulu kunami lotako, lengingakafaneli ngisho nekutfukulula imichilo yeticatfulo etinyaweni takhe. Utakunibhabhatisa ngaMoya Longcwele nangemlilo.

Lukha 3:17

Esandleni sakhe unesitja sekwela emabele lasabhuliwe, awatsele esilulwini, bese kutsi emakhoba awashise ngemlilo longeke ucishe.”

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.