Matewu 28:7 - Siswati 1996 Bible

⁷ Hambani masinyane niyewutjela bafundzi bakhe nitsi: ‘Sewuvukile kulabafile, nyalo nje sewusembili kunani uya eGalile; nitawumbona khona.’ Nibokukhumbula loku lenginitjela kona.”

Matewu 28:7 Referencias Cruzadas

Isaya 44:8

Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Matewu 24:25

Bukani-ke, senginitjele ngaphambili kungakenteki.

Matewu 26:32

“Kepha emvakwekuvuka kwami ekufeni ngiyawuhamba kucala kunani kuya eGalile.”

Matewu 28:10

Jesu watsi kubo: “Ningesabi! Hambani nibikele bomnaketfu kutsi, abahambe baye eGalile, bayawungibona khona.”

Matewu 28:8

Base basheshe bayesuka ethuneni, ngobe babesaba, kantsi futsi babejabule kakhulu, bagijima bayawutjela bafundzi bakhe.

Makho 14:28

“Kodvwa nase ngivusiwe kulabafile, ngiyawuhamba ngembili kwenu ngiye eGalile.”

Makho 16:10

Mariya wesuka lapho wahamba wayawutjela labo labekadze anabo; wabakhandza bakhala balila.

Makho 16:13

Babuyela emuva bafike batjela laba labanye bafundzi, kodvwa nabo abazange babakholwe.

Lukha 24:34

bafike batjelwa kutsi: “INkhosi ivuke ngempela! Simoni uyibonile!”

Johane 14:29

Manje senginitjele loku ngaphambili kwekutsi kwenteke, kuze kutsi nakwenteka, nikholwe.

Johane 16:4

Kodvwa nginitjela loku kuze kutsi, nase kufika sikhatsi sekutsi bakwente, nikhumbule kutsi nganitjela ngako.” “Bengisengakanitjeli letintfo ekucaleni, ngobe bengisenani.

1 kubaseKorinthe 15:4

nekutsi wembelwa, wabuye wavuswa kulabafile ngelilanga lesitsatfu, njengaloku yayivele ishito imiBhalo,

1 kubaseKorinthe 15:6

Emvakwaloko wabonwa, ngasikhatsi sinye, bazalwane labendlula ema-500, liningi labo lisekhona naloku ngikhuluma nje, kodvwa labanye sebafa.