Matewu 28:5 - Siswati 1996 Bible

⁵ Ingilosi yatsi kulabafati: “Ningesabi, ngiyati kutsi nifuna Jesu labebetselwe esiphambanweni.

Matewu 28:5 Referencias Cruzadas

Isaya 35:4

Khulumani kulabanetinhlitiyo letesabako nitsi: “Cinani, ningesabi, Nkulunkulu wenu uyeta, uyawufika nekuphindzisela nekujezisa kwakhe, utawufika atenisindzisa.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Danyela 10:12

Wachubeka watsi: “Ungesabi, Danyela. Kusukela ngelilanga lekucala, mzukwana utimisela engcondvweni yakho kutsi ufuna kucondza kahle nekutitfoba embikwaNkulunkulu, emavi akho evakala kahle onkhe, mine sengitele kutawuletsa imphendvulo yawo.

Danyela 10:19

Watsi: “Ungesabi, wena ndvodza letsandzeke kakhulu. Kuthula! Cina manje, ube nesibindzi.” Watsi kube akhuluma nami, ngacina lidvolo, ngatsi: “Khuluma, nkhosi yami, ngobe naku sewungicinise emandla.”

Matewu 14:27

Jesu washesha wakhuluma kubo watsi: “Ningesabi, manini sibindzi, ngimi!”

Matewu 28:10

Jesu watsi kubo: “Ningesabi! Hambani nibikele bomnaketfu kutsi, abahambe baye eGalile, bayawungibona khona.”

Matewu 28:4

Kepha balinidzi befikelwa kwesaba, bachachatela, baze baba njengalabafile.

Makho 16:6

Latsi kubo: “Ningesabi! Nifuna Jesu waseNazaretha lona bekabetselwe esiphambanweni. Uvusiwe ekufeni, akasekho lapha. Nasi sikhundla lapho bebambeke khona.

Lukha 1:30

Ingilosi yase itsi kuye: “Ungesabi, Mariya, ngobe utfole umusa kuNkulunkulu.

Lukha 24:5

Ngekwesaba lokukhulu labafati bakhotsama, lamadvodza ase atsi kubo: “Nimfunelani lophilako kulabafile?

Imisebenti yebaPhostoli 2:24

Kodvwa Nkulunkulu wamvusa kulabafile; wamkhulula etinhlungwini tekufa, ngobe kwakungeke kwenteke kutsi kufa kumbambe.

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.