Matewu 27:19 - Siswati 1996 Bible

¹⁹ Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

Matewu 27:19 Referencias Cruzadas

Genesisi 31:11

Ingilosi yaNkulunkulu yangibita ephusheni yatsi: ‘Jakobe!’ Ngasabela ngatsi: ‘Ngilapha.’

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

Genesisi 31:29

Nginawo emandla ekukulimata; kodvwa Nkulunkulu weyihlo ukhulume kimi itolo ebusuku ephusheni watsi: ‘Ucaphele, ungakhulumi lokuhle nome lokubi kuJakobe.’

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Matewu 1:20

Kodvwa asakucabanga loko, kwefika ingilosi yeNkhosi kuye ngeliphupho yatsi: “Josefa, ndvodzana yaDavide, ungesabi kumtsatsa Mariya umkakho, ngobe loko lakukhulelwe kwaMoya Longcwele.

Matewu 2:19

Kwatsi kube kufe Herodi, ingilosi yeNkhosi yabonakala kuJosefa ngeliphupho eGibhithe

Matewu 2:22

Kodvwa watsi nakeva kutsi sekubusa Akhelawusi eJudiya esikhundleni seyise Herodi, wesaba kuya khona; asayalwe ngeliphupho, wajika waya esifundzeni saseGalile.

Matewu 27:18

Abati kahle kamhlophe kutsi Jesu babemletse ngobe babenemona naye.

Matewu 27:24

Watsi kube abone Philatu kutsi kute langaphindze akwente, nekutsi sekusuka siphitsiphitsi, watsatsa emanti, wageza tandla embikwebantfu bonkhe watsi: “Anginacala ngengati yalomuntfu! Tiboneleni nine!”

Matewu 27:4

atsi: “Ngonile ngekutsengisa ngengati lengenacala!” Bona batsi kuye: “Pho, singenaphi lapho tsine? Tibonele wena!”

Lukha 23:41

Noko, setfu silungile, ngobe sitfola loko lokusifanele ngalesikwentile; kodvwa yena kute lakonile.”

Lukha 23:47

Indvuna yelibutfo nayibona loko kwenteka, yabonga Nkulunkulu, yatsi: “Impela abelungile lomuntfu!”

Johane 19:13

Nakeva loko Philatu, wamkhiphela ngephandle loJesu, wahlala esihlalweni sekwehlulela, endzaweni lekwakutsiwa: Yindzawo Leyilwe Ngematje. (NgesiHebheru yiGabhatha).

Imisebenti yebaPhostoli 12:21

Ngelilanga lelalikhetsekile Herodi wembatsa tingubo takhe tebukhosi, wahlala esihlalweni sebukhosi, wabeka inkhulumo kubantfu.

Imisebenti yebaPhostoli 18:12

Kwatsi ngesikhatsi kuphetse Galiyo e-Akhaya, onkhe emaJuda ase ahlanganyela Pawula ambamba amyisa enkantolo,

Imisebenti yebaPhostoli 18:16

Wabakhiphela ngephandle kwenkantolo.

Imisebenti yebaPhostoli 18:17

Besuka bonkhe babamba Sostenesi, umphatsi welisinagoge, bamshaya embikwenkantolo, kodvwa Galiyo akakunakanga loko.

Imisebenti yebaPhostoli 25:10

Kodvwa Pawula watsi: “Ngime embikwesihlalo sekwehlulela saKhesari, uMbusi, ngulapho-ke lakufanele licala lami litsetfwe khona. Kute lengiwone ngako emaJuda, njengobe nawe ukwati nje loko.

Imisebenti yebaPhostoli 25:17

Batsi kube befike bahlangane lapha, angizange ngicitse sikhatsi, kodvwa kwatsi kusa ngakusasa ngavele ngahlala esihlalweni sekwehlulela, ngatfumela kutsi ayiletfwe lendvodza.

Imisebenti yebaPhostoli 25:6

Festusi wahlala nabo emalanga lasiphohlongo nome lalishumi, wase wehlela eKhesariya. Ngakusasa wahlala esihlalweni sakhe sekwehlulela, wase utfumela kutsi akuletfwe Pawula.

1 yaPhetro 2:22

UmBhalo utsi ngaye: “Akazange asasente sono, nasemlonyeni wakhe akuzange sekuphume emanga.”

1 yaJohane 2:1

Bantfwabami, nginibhalela loku khona ningetikona; kodvwa nangabe kukhona lotfuke enta sono, tsine sineMmeli kuYise, Jesu Khristu lolungile,