Matewu 26:58 - Siswati 1996 Bible

⁵⁸ Kepha Phetro bekamlandzela khashane, waze wangena esibuyeni sendlu yemPhristi Lomkhulu. Wafike wahlala nebalindzi, afuna kubona kutsi sigcino kutawuba yini.

Matewu 26:58 Referencias Cruzadas

Matewu 26:3

Baphristi labakhulu netibondza temaJuda babutsana esigodlweni sakaKhayafase, umPhristi Lomkhulu,

Matewu 5:25

“Sheshisa ucolisane nalowo lenimangalelane naye nisaya enkantolo, funa akunikele kumehluleli, umehluleli akunikele ephoyiseni, liphoyisa likuvalele ejele.

Lukha 22:54

Base bayambopha Jesu bamtsatsa bamfaka endlini yemPhristi Lomkhulu; Phetro abelandzela khashane ngemuva.

Johane 18:25

Phetro abeseloku emile lapho otsa umlilo, base batsi kuye: “Awusiye yini lomunye webalandzeli balomuntfu?” Kodvwa Phetro wakuphika loko watsi: “Cha, angisiye.”

Johane 19:6

Batsi kube bambone baphristi labakhulu nabogadzi, bamemeta batsi: “Mbetsele esiphambanweni! Mbetsele esiphambanweni!” Philatu watsi kubo: “Mtsatseni nine nimbetsele esiphambanweni, mine angilitfoli licala kulomuntfu!”

Johane 7:32

BaFarisi beva sicuku sivungatela ngaye ngaletintfo. Ngako baphristi labakhulu nebaFarisi base batfumela tinceku kutsi timbambe.

Johane 7:45

Tinceku tancandzeka tabuyela kubaphristi nebaFarisi, bona bafike batsi: “Yini ningakamletsi la kitsi?”

Imisebenti yebaPhostoli 5:22

Kodvwa tatsi natifika tinceku, takhandza baphostoli bangekho ejele; ngako tabuyela emuva tayawubika loko kuleLiqoqo tatsi:

Imisebenti yebaPhostoli 5:26

Ngako lesiphatsimandla sahamba netinceku taso, sefike satsatsa baphostoli sababuyisa. Kodvwa ababaphocanga ngenkhani, ngobe babesaba kutsi bantfu babengahle babagcobe ngematje.