Matewu 25:44 - Siswati 1996 Bible

⁴⁴ “Bayakumbuta batsi: ‘Nkhosi, sakubona nini ulambile, nome womile, nome usihambi, nome ungcunu, nome ugula, nome usejele, sangete sakusita?’

Matewu 25:44 Referencias Cruzadas

Jeremiya 2:23

“Ungasho kanjani-ke utsi: ‘Angikangcoliswa, angikabalandzeli boBhali’? Ase ubuke kutsi watiphatsa njani esihosheni, cabangisisa ngaloko lokwentile. Ulikamela lelisikati leligijima kakhulu, leligijima lapha nalapha,

Jeremiya 2:35

wena utsi: ‘Angati lutfo; akangitfukutseleli.’ Kodvwa mine ngitakwehlulela, ngobe utsi: ‘Angikoni lutfo.’

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Malakhi 2:17

Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”

Malakhi 3:13

Simakadze utsi: “Nikhulume kimi emavi lanelulaka nalabuhlungu. “Noko niyabuta nitsi: ‘Sikhulumeni lokumelene nawe?’

Matewu 10:41

Lowemukela umphrofethi ngobe angumphrofethi, uyakutfola umvuzo wemphrofethi; nalowemukela lolungile ngobe angulolungile, uyakwemukela umvuzo walolungile.

Matewu 25:43

Ngangisihambi, kodvwa aningingenisanga emitini yenu; ngangingcunu, kodvwa aningigcokisanga; ngangigula, ngangisejele, kodvwa aningivakashelanga.’

Matewu 25:45

INkhosi iyawubaphendvula itsi: ‘Ngicinisile, ngitsi kini: Loko leningakwentanga kulomunye walaba labancane, anikwentanga kimi.’

Matewu 5:6

Babusisiwe labalambele bomele kulunga, ngobe bayakwesutsiswa.

Matewu 7:22

Ngalelo langa labanyenti bayakutsi kimi: ‘Nkhosi, Nkhosi, asizange siphrofethe yini ngelibito lakho? Asiwakhiphanga yini emadimoni ngelibito lakho? Asiyentanga yini imisebenti leminyenti nalemikhulu ngelibito lakho?’

Lukha 10:29

Kepha sati semtsetfo sifuna kutitsetselela, sabuta satsi: “Ngubani makhelwane wami?”