Matewu 25:31 - Siswati 1996 Bible

³¹ “INdvodzana yeMuntfu nayita ngenkhatimulo yayo netingilosi tayo tonkhe, iyawuhlala esihlalweni sayo sebukhosi,

Matewu 25:31 Referencias Cruzadas

Tihlabelelo 9:7

Kodvwa Simakadze uhleti esihlalweni sakhe sebukhosi baphakadze; lesihlalo sakhe sebukhosi usimisele kwehlulela.

Zakhariya 14:5

Niyawubalekela ngasesigodzini sentsaba yami, ngobe lesigodzi siyawufikela e-Aseli. Yebo, niyawubaleka njengamhlazane nibalekela kutamatama kwemhlaba ngesikhatsi sa-Uziya, inkhosi yakaJuda. Simakadze-ke longuNkulunkulu wami uyawube sewuyefika kanye nabo bonkhe labangcwele bakhe.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 25:6

“Kwatsi ekhatsi nebusuku kwevakala umsindvo kumenyetwa kutsiwa: ‘Nangu umyeni! Phumani, nimhlangabete!’

Matewu 26:64

Jesu waphendvula watsi: “Usho kona. Noko ngitsi kini: “ ‘Kusukela manje seniyakuyibona iNdvodzana yeMuntfu ihleti ngesekudla saLonemandla, ita ngemafu asezulwini.’ ”

Makho 14:62

Jesu watsi: “Nginguye; ngitsi: Niyawuyibona iNdvodzana yeMuntfu ihleti ngesekudla saSomandla, ita ngemafu elizulu.”

Makho 8:38

Lowo lonemahloni ngami, nangemavi ami, kulesitukulwane lesonakele nalesiphingako, neNdvodzana yeMuntfu iyawuba nemahloni ngaye, nayifika ebukhosini beYise kanye netingilosi letingcwele.”

Lukha 22:69

Kodvwa kusukela manje iNdvodzana yeMuntfu itawuhlaliswa ngasesandleni sekudla saNkulunkulu, Somandla.”

Lukha 9:26

Nangabe umuntfu unemahloni ngami nangemavi ami, neNdvodzana yeMuntfu iyawuba nemahloni ngaye nayita ngenkhatimulo yayo nangebukhosi beYise kanye neyetingilosi letingcwele.

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

Imisebenti yebaPhostoli 1:11

Atsi kubo: “Madvodza aseGalile, nimeleni nibuke etulu? LoJesu, lotsetfwe lapha kini wayiswa ezulwini, uyawubuya futsi ngayo yona leyo ndlela njengobe nimbonile nje aya ezulwini.”

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

KumaHebheru 1:8

Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

YaJuda 1:14

Enoki lowesikhombisa esitukulwaneni sa-Adamu, wakhuluma kadzeni ngalabantfu watsi: “INkhosi iyawufika kanye netinkhulungwane tetinkhulungwane talabangcwele bayo.

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 3:21

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

1 Samuweli 2:10

Labo labamelene naSimakadze bayawuphihlika babe timvutfu. Uyawudvuma etikwabo asezulwini lakhe. Simakadze uyakwehlulela imikhawulo yonkhe yemhlaba. Inkhosi yakhe uyawuyinika emandla, aphakamise emandla alogcotjiwe wakhe.”