Matewu 23:37 - Siswati 1996 Bible

³⁷ “Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Matewu 23:37 Referencias Cruzadas

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Tihlabelelo 17:8

Ngilondvolote njengenhlavu yeliso. Ngifihle ngaphansi kwemaphiko akho,

Tihlabelelo 36:7

Yebo, Nkulunkulu, umusa wakho uligugu lelikhulu. Bantfu basemhlabeni bayakhosela emtfuntini wetimphiko takho.

Tihlabelelo 57:1

Ngihawukele, Nkulunkulu, ngihawukele, ngobe wena usiphephelo semphefumulo wami, ngiyawukhosela emtfuntini wemaphiko akho, kuze kwendlule tivunguvungu temashwa.

Tihlabelelo 63:7

ngobe wena ube lusito lwami. Ngako-ke ngiyawuhlabela ngenjabulo emtfuntini wemaphiko akho.

Tihlabelelo 91:4

Uyawukusibekela ngetimphiko takhe, uphephele ngaphansi kwemaphiko akhe, kwetsembeka kwakhe kulihawu lekukuvikela.

Isaya 5:4

Bekufanele ngenteni lokunye kulesivini sami, ngetulu kwaloku lese ngikwentile? Pho, kwentiwe yini kutsi nangifuna emagelebisi lamahle kuso, sona sitsele emagelebisi esiganga lamunyu?

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 26:23

Bamkhipha Uriya eGibhithe, bammikisa enkhosini Jehoyakimu, lowafike watsi akagalelwe ngenkemba, wafa, sidvumbu sakhe salahlwa emadlizeni ebantfukatana.

Jeremiya 32:31

Kusukela mhlazana lakhiwa kuze kube ngunyalo lelidolobha lingitfukutselise langicunula kangangekutsi kufanele ngilisuse embikwami.

Jeremiya 35:15

Ngatfumela kini tonkhe tinceku tami baphrofethi emaphindzephindze. Babetsi: “Ngulowo nalowo kini kufanele atiyekele tindlela takhe letimbi, nijikise imihambo yenu. Ningacali nilandzele labanye bonkulunkulu kutsi nibakhonte. Nanenta njalo-ke, niyawuhlala kulelive lengalipha nine naboyihlo.” Kodvwa anikanginaki, futsi anikangilaleli.

Jeremiya 36:26

Esikhundleni saloko, inkhosi yatfumela boJerameli, umntfwanenkhosi, naSeraya, umsa wa-Azriyeli, naShelemiya, umsa wa-Abdeyeli, kutsi bayewubopha boBharuki, umbhali, naJeremiya, umphrofethi, kodvwa Simakadze abesabafihlile.

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Jeremiya 44:4

Nganitfumelela tinceku tami baphrofethi emaphindzephindze letatitsi: ‘Ningayenti lentfo lesinengiso kimi.’

Jeremiya 6:8

Tsatsa seluleko, wena Jerusalema, nome-ke ngitakufulatsela nawungasitsatsi, live lakho ngilente lisale lilihlane, khona kutebate umuntfu lohlala kulo.”

Hoseya 11:2

Kodvwa ngatsi ngisachubeka kubita Israyeli, nabo bachubeka bakhwesha kimi. Banikela imihlatjelo kuboBhali, batfuncisela titfombe imphepho.

Hoseya 11:7

Bantfu bami batimisele kusuka kimi. Ngisho nome sebangambita Longetulu Kwako Konkhe, angeke abaphakamise ngisho nangayiphi indlela.

Hoseya 7:13

Maye kubo! Ngobe besukile kimi! Imbhubhiso kubo! Ngobe bangihlubukile bemelana nami! Ngifisa kangaka kubahlenga, kodvwa bakhuluma emanga ngami.

Zakhariya 1:4

Ningafanani nabokhokho benu, lekwatsi baphrofethi bakucala nabakhuluma kubo, batsi: Naku lokushiwo nguSimakadze longuSomandla, utsi: ‘Phendvukani etindleleni tenu letimbi nakulokubi lenikwentako.’ Kodvwa abazange bangilalele, futsi abanginakanga nekunginaka, kusho Simakadze.

Matewu 22:3

Yatfumela tisebenti tayo kutsi tiyewubita lababemenyiwe kuta emshadweni, kodvwa abavumanga kuta.

Matewu 22:6

Letinye timenywa tabamba letisebenti, tatiphatsa dlephu, tatishaya, tatibulala.

Matewu 23:30

bese nitsi: ‘Kube sasiphila ngesikhatsi sabokhokho, sasingayikwenta loko labakwenta ngekubulala baphrofethi.’

Matewu 23:31

Kanjalo nitifakazela nine kutsi ningemadvodzana alabo lababulala baphrofethi.

Matewu 5:12

Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”

Lukha 15:28

“Indvodzana lenkhulu yatfukutsela yabila, yase iyala nekungena lapha ekhaya. Kwadzimate kwaphuma uyise wayakuyincenga;

1 kubaseThesalonika 2:15

LamaJuda ngiwo kanye lawo labulala iNkhosi Jesu kanye nebaphrofethi, natsi asicitsa, ayekela kwenta intsandvo yaNkulunkulu, aphambana nebantfu bonkhe.

Sembulo 17:6

Ngabona kutsi lomfati abesadzakwe yingati yalabangcwele, nengati yalabo labafela kufakaza ngaJesu. Ngatsi nangimbona lomfati, ngamangala kakhulu.

Ruthe 2:12

Shangatsi Simakadze angakunika umvuzo ngaloku lose ukwentile. Shangatsi Simakadze, Nkulunkulu wema-Israyeli, angakunika umvuzo lophelele, njengobe naku sewukhosele ngaphansi kwakhe nje.”