Matewu 22:10 - Siswati 1996 Bible

¹⁰ Ngako-ke tisebenti taphuma, taya etindleleni, tabutsa bonkhe letatihlangana nabo, lababi nalabahle ngalokufananako; indlu yemshado yagcwala letimenywa.

Matewu 22:10 Referencias Cruzadas

Matewu 13:38

Insimi ngulomhlaba, inhlanyelo lenhle bantfwana bembuso, kepha lukhula bantfwana baLomubi.

Matewu 22:9

Ngako-ke hambani niye etinhlanganweni tetindlela nemigwaco; nimeme bonkhe lenibabonako kutsi bete edzilini.’

Matewu 25:10

Tatsi tisehambile tiyewutsenga, wefika umyeni; leti letatilungele tangena kanye naye edzilini lemshado, umnyango wavalwa.

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

2 kubaseKorinthe 12:21

Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.

Sembulo 7:9

Emvakwaloko ngatsi ngiyabuka ngabona sicumbi lesikhulu sebantfu lesingeke sibalwe ngumuntfu. Kwakubantfu lababephuma etiveni tonkhe, nasemindenini yonkhe, nasemaveni onkhe, nasetilimini tonkhe. Babeme embikwesihlalo sebukhosi nasembikweliWundlu, bembetse tingubo letimhlophe, etandleni baphetse emagala elisundvu.