Matewu 2:23 - Siswati 1996 Bible

²³ Wayawuhlala edolobheni lekutsiwa yiNazaretha, kuze kugcwaliseke lokwashiwo baphrofethi kutsi: “Uyawubitwa ngekutsi ngumNazaretha.”

Matewu 2:23 Referencias Cruzadas

Numeri 6:13

“ ‘Lona-ke ngumtsetfo wemNaziri, nasekuphele sikhatsi sakhe sekutehlukanisela: Uyawuletfwa embikwemnyango welithende lekuhlangana,

Matewu 1:22

Konkhe loku kwentekela kugcwalisa loko lokwashiwo yiNkhosi ngemphrofethi lowatsi:

Matewu 21:11

Ticumbi taphendvula tatsi: “Lona nguJesu, umphrofethi waseNazaretha yaseGalile.”

Matewu 26:71

Watsi asesukile asatimele eceleni kwemphundvu yesibuya, kwaphindze kwefika lenye intfombatana lesisebenti yambuka yase ikhuluma kulamadvodza labelapho, imkhomba, yatsi: “Nalona abenaye loJesu waseNazaretha.”

Makho 1:24

atsi: “Ufunani kitsi, Jesu waseNazaretha? Sewutesibhubhisa yini? Ngiyakwati kutsi ungubani. UnguLongcwele waNkulunkulu.”

Makho 1:9

Kulawo malanga Jesu wefika aphuma eNazaretha yaseGalile, naye wabhajatiswa nguJohane eJordane.

Lukha 1:26

Ngenyanga yesitfupha Elizabethe atetfwele, Nkulunkulu watfumela ingilosi Gabhriyeli edolobheni laseGalile, lelitsiwa yiNazaretha.

Lukha 18:37

Bayitjela batsi: “NguJesu waseNazaretha lowendlulako.”

Lukha 2:39

Batsi kube bacedze kwenta konkhe lababefanele kukwenta ngekwemtsetfo weNkhosi, base bayancandzeka babuyela edolobheni lakubo iNazaretha eGalile.

Johane 18:5

Bamphendvula batsi: “Jesu waseNazaretha.” Jesu watsi kubo: “Ngimi.” Judasi, lowamtsengisa, bekeme nabo.

Johane 18:7

Jesu waphindza wababuta watsi: “Kantsi nifuna bani?” Bamphendvula batsi: “Jesu waseNazaretha.”

Johane 19:19

Philathu wabhala satiso lesashayelwa esiphambanweni sitsi: “JESU, WASENAZARETHA, INKHOSI YEMAJUDA.”

Imisebenti yebaPhostoli 2:22

“Madvodza aka-Israyeli, vanini lamavi! Jesu waseNazaretha abeyindvodza leyafakazelwa nguNkulunkulu embikwenu, ngemisebenti lemikhulu yemandla, nangetimangaliso kanye nangetibonakaliso letentiwa nguNkulunkulu ngaye; nani matfupha niyakwati loku, ngobe kwenteka emehlweni enu.

Imisebenti yebaPhostoli 24:5

Sikhandze kutsi lomuntfu uyingoti, ngobe ususa tiphitsiphitsi emkhatsini wemaJuda wonkhe umhlaba, kantsi futsi ungumholi walelicembu lekutsiwa ngemaNazaretha.

Tikhulu 13:5

ngobe utawukhulelwa utale indvodzana. Kute insingo leyawusetjentiswa enhloko yakhe, ngobe lomfana uyawuba ngumNaziri lowehlukaniselwe Nkulunkulu kwasekutalweni kwakhe. Nguye lotawucala kukhulula sive sema-Israyeli esandleni semaFilisti.”

1 Samuweli 1:11

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”