Matewu 2:2 - Siswati 1996 Bible

² tabuta tatsi: “Uphi lomntfwana lotelwe loyinkhosi yemaJuda? Ngobe sabona inkhanyeti yakhe iphuma emphumalanga. Site kutemkhotsamela.”

Matewu 2:2 Referencias Cruzadas

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 45:11

Lobuhle bakho-ke buyawuyikhanga lenkhosi; uyitfobele, ngobe ingumyeni wakho.

Isaya 60:3

Tive tiyawusondzela ekukhanyeni kwakho nemakhosi ete ebukhatikhatini bekusa kwakho.

Jeremiya 23:5

Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.

Jeremiya 30:9

‘Esikhundleni saloko sebayawukhonta Simakadze longuNkulunkulu wabo, naDavide, inkhosi yabo, lengiyawubavusela yena.

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

Matewu 2:3

Inkhosi Herodi isakuva loko, yakhatsateka kakhulu kanye neJerusalema yonkhe.

Matewu 21:5

“Khulumani kuyo iNdvodzakati yaseSiyoni kutsi: ‘Bheka iNkhosi yakho ita kuwe, itfobekile, igibele embongolweni, yebo, etfoleni, enkhonyaneni yembongolo.’ ”

Matewu 27:11

Jesu wemiswa embikwaLusibalukhulu lowambuta watsi: “Wena ungiyo yini inkhosi yemaJuda?” Jesu waphendvula watsi: “Usho kona.”

Lukha 19:38

batsi: “Ibusisiwe iNkhosi letako egameni leNkhosi! Akube nekuthula ezulwini, neludvumo kulelisetulu kakhulu!”

Lukha 2:11

ngobe lamuhla nitalelwe emtini waDavide uMsindzisi longuKhristu iNkhosi.

Lukha 23:3

Philatu wambuta watsi: “Ungiyo yini inkhosi yemaJuda?” Jesu waphendvula watsi: “Usho kona.”

Lukha 23:38

Emagama labebhalwe ngetulu kwakhe abetsi: “LONA YINKHOSI YEMAJUDA.”

Johane 1:49

Nathanayeli waphendvula watsi: “Mfundzisi, wena uyiNdvodzana yaNkulunkulu, uyiNkhosi yaka-Israyeli!”

Johane 12:13

Batsatsa emagala etihlahla telisundvu, baya bamhlangabeta, bamemeta batsi: “Hosana! Ubusisiwe lotako egameni leNkhosi! Yebo, uyiNkhosi yaka-Israyeli!”

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 19:19

Philathu wabhala satiso lesashayelwa esiphambanweni sitsi: “JESU, WASENAZARETHA, INKHOSI YEMAJUDA.”

Johane 20:28

Tomase waphendvula watsi: “Nkhosi yami, Nkulunkulu wami!”

Johane 5:23

kuze bonkhe bahloniphe iNdvodzana njengobe bahlonipha uYise. Lowo longayihloniphi iNdvodzana, akahloniphi neYise loyitfumile.

Johane 9:38

Lendvodza yaguca embikwaJesu, yatsi: “Nkhosi, ngiyakholwa.”

KumaHebheru 1:6

Nakaphindza futsi aletsa litubulo emhlabeni utsi: “Tonkhe tingilosi taNkulunkulu atilihloniphe.”

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”