Matewu 2:16 - Siswati 1996 Bible

¹⁶ Kwatsi Herodi asabonile kutsi tati timyengile, watfukutsela wagcwala kokana, watfumela kutsi akubulawe bonkhe bantfwana labadvuna baseBhetlehema nakuto tonkhe tindzawo tangakhona lababeneminyaka lemibili nome ngephansi, kwaya ngesikhatsi labesibutisise etatini.

Matewu 2:16 Referencias Cruzadas

Genesisi 39:14

wamemeta lamadvodza lasebenta kulendlu watsi kuwo: “Ase nibheke! LomHebheru uletselwe kudlala ngatsi la. Ungingenele ekamelweni wangibamba afuna kulala nami. Ngesuka mine ngahlaba inyandzaleyo.

Genesisi 39:17

Yatsi kube ifike indvodza yakhe, wayitjela leyo ndzaba ngalokufananako, watsi: “Lesigcili semHebheru, losiletse la, emkhatsini wetfu, singene seta kimi satawudlala ngami.

Genesisi 49:7

Intfukutselo yenu ayicalekiswe, ngobe iyesabeka; nelulaka lwenu lucalekiswe, ngobe lunelunya. Niyawusakateka nalo lonkhe lakaJakobe, nicitseke nalo lonkhe laka-Israyeli.

2 Emakhosi 8:12

Hazayeli wabuta watsi: “Inkhosi yami ikhalelani?” Wamphendvula watsi: “Kungobe ngiyawati umonakalo lotakuwenta esiveni saka-Israyeli. Utawuhloseka ngemlilo tonkhe tindzawo tabo letitinqaba, ugwaze labasha babo ngenkemba, udzacate tinswane tabo phansi, uhhubhute tisu tebafati babo labatetfwele.”

Jobe 12:4

Sengiyinhlekisa ngisho nakubangani bami, lite nome Nkulunkulu angiphendvula nangikhala kuye, ngaba yintfo yekuhlekwa nje, lite nome ngilungile futsi ngingenacala.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Taga 28:17

Umuntfu nakanelicala lekubulala, myekele abaleke aze afe.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 59:7

Tinyawo tabo tigijimela esonweni, bayashesha kucitsa ingati lengenacala. Imicabango yabo ngemacebo. Imbhubhiso nekucitsa kutimphawu tetindlela tabo.

Danyela 3:13

Nebukhadnezari watfukutsela wabila, wabita boShadraki, naMeshaki kanye na-Abednego kutsi bete kuye. Ngako lamadvodza aletfwa embikwenkhosi.

Hoseya 10:14

kudvuma kwemphi kuyawusuka kumelane nebantfu benu, khona kutewutsi tonkhe tinqaba tenu tibhidlitwe, njengobe Shalmani abhidlita iBhethi Abeli ngelilanga lemphi, mhlazana bomake baphihlitwa phansi emhlabatsini kanye nebantfwababo.

Numeri 22:29

Bhalamu wayiphendvula watsi: “Ungente silima! Kube bengiphetse inkemba esandleni sami, ngabe ngiyakubulala khona nyalo.”

Numeri 24:10

Lulaka lwaBhalaki lwamvutsela kamatima Bhalamu, washaya tandla takhe, watsi kuye: “Ngikulandzele kutsi utewucalekisa titsa tami, kodvwa wena sewutibusise kwaze kwaba katsatfu.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Matewu 2:17

Ngako-ke kwagcwaliseka lokwakhulunywa ngumphrofethi Jeremiya nakatsi:

Matewu 2:7

Ngako-ke Herodi wase ubita tati emhlanganweni wangasese, watibutisisa sikhatsi inkhanyeti leyayibonakale ngaso,

Sembulo 12:4

Umsila wakhe wahudvula incenye yesitsatfu yetinkhanyeti tesibhakabhaka, watilahla emhlabeni. Nyokangwenya wema embikwalomfati labesatawubeleka, entela kutsi alumite lusabelekwa nje loluswane.

Sembulo 17:6

Ngabona kutsi lomfati abesadzakwe yingati yalabangcwele, nengati yalabo labafela kufakaza ngaJesu. Ngatsi nangimbona lomfati, ngamangala kakhulu.

Tikhulu 16:10

Delila wase ukhuluma kuSamsoni, watsi: “Ungente silima, ungiyengile; ngiyakuncenga tsine, ngitjele kutsi ungaboshwa kanjani?”