Matewu 19:7 - Siswati 1996 Bible

⁷ Batsi kuye: “Pho, Mosi wasinikelani lomyalo wekutsi indvodza ingamnika umfati wayo incwadzi yedivosi bese iyamlahla?”

Matewu 19:7 Referencias Cruzadas

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Malakhi 2:16

Simakadze Nkulunkulu wema-Israyeli utsi: “Ngiyakutondza kwehlukana kwalabashadile, kantsi futsi ngiyayenyanya indvodza levimbanisa ngebudlova njengesembatfo,” kusho Simakadze. Ngako ticaphele wena emoyeni wakho, ungabi ngulongaketsembeki.

Matewu 1:19

Kepha Josefa, indvodza yakhe, abengumuntfu lolungile, akatsandzanga kumtsela ngelihlazo. Wacabanga, asafuna kumlahla ngasese.

Matewu 19:6

Ngako-ke abasebabili, kodvwa sebamunye. Ngako-ke loko lakuhlanganisile Nkulunkulu, akungabe kusehlukaniswa ngumuntfu.”

Matewu 19:8

Jesu watsi kubo: “Mosi waninika imvume yekudivosa nebafati benu ngenca yebulukhuni betinhlitiyo tenu. Kodvwa kwakungenjalo kusukela ekucaleni.

Matewu 5:31

“Kwatsiwa: ‘Lowo lolahla umkakhe akamnike incwadzi yesehlukaniso.’

Makho 10:4

Batsi bona: “Mosi wasivumela kutsi indvodza ingayibhala incwadzi yedivosi imlahle umkayo.”