Matewu 19:23 - Siswati 1996 Bible

²³ Kepha Jesu watsi kubafundzi bakhe: “Ngicinisile, ngitsi kini: Kulukhuni kumuntfu lonjinge kakhulu kungena embusweni welizulu.

Matewu 19:23 Referencias Cruzadas

Taga 11:28

Umuntfu loncike ebunjingeni bakhe utakuwa; kodvwa lolungile uyawuhluma njengemacembe laluhlata.

Matewu 13:22

Kuhlanyelwa kwenhlanyelo emanyeveni kusho labalivako livi lembuso, kodvwa tinhlupheko macondzana nalemphilo nelutsandvo lwebunjinga kuyaye kuliminyetele livi bangabe basatsela titselo.

Matewu 18:3

watsi: “Ngicinisile, ngitsi kini: Naningaphendvuki nibe njengebantfwana, ningeke ningene embusweni welizulu.

Matewu 19:22

Lelijaha nalikuva loko, lahamba lidzabukile, ngobe belicebe kakhulu.

Matewu 21:31

Ngumuphi-ke emkhatsini wabo bobabili lowenta intsandvo yeyise?” Baphendvula batsi: “Ngulona wesibili.” Wase utsi: “Ngicinisile, ngitsi kini: Batselisi, netingwadla, netiphingi bayanengcelela embusweni waNkulunkulu.

Matewu 5:20

Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”

Makho 10:23

Jesu wabuka bafundzi bakhe watsi kubo: “Maye, kuyawuba lukhuni kulabo labanjingile kungena embusweni waNkulunkulu!”

Lukha 18:24

Jesu abona lokutsi idzabukile, wase utsi: “Maye, kulukhuni etinjingeni kutsi tingene embusweni waNkulunkulu!

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 3:5

Jesu wamphendvula watsi: “Ngicinisile, ngicinisile, ngitsi kuwe: Ngaphandle kwekutsi umuntfu atalwe ngemanti nangaMoya, angeke angene embusweni waNkulunkulu.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

1 kubaseKorinthe 1:26

Bazalwane bami, khumbulani kubitwa kwenu, kutsi ababanyenti labahlakaniphile ngekwasemhlabeni, ababanyenti nalabanemandla, ababanyenti nalabahloniphekile ngekutalwa kwabo.

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?