Matewu 19:17 - Siswati 1996 Bible

¹⁷ Jesu watsi kulo: “Ungibutelani ngalokulungile? Munye kuphela lolungile. Kepha nawutsandza kungena ekuphileni, gcina imiyalo!”

Matewu 19:17 Referencias Cruzadas

Nehemiya 9:29

“Wabeluleka kutsi ababuyele emtsetfweni wakho, kodvwa bona bakudvwalela, bangete bayihlonipha imiyalo yakho. Bona ngekuphambana netimiso takho lekufanele umuntfu aphile ngato nangabe atihlonipha. Bakufulatsela ngenkhani, baba netinhlitiyo letilukhuni, bala kulalela wena.

Tihlabelelo 119:68

Wena umuhle, konkhe lokwentako kuhle, ngifundzise timiso takho.

Tihlabelelo 52:1

Wena sichwaga, utigabatiselani ngalokubi? Umusa waNkulunkulu uyawuma kuze kube phakadze.

Hezekeli 20:21

“ ‘Kodvwa bantfwababo bangivukela: Abazange bahambe ngetimiso tami, abazange bakunakekele kugcina imitsetfo yami, noko umuntfu loyilalelako uyawuphila ngayo, bawona emaSabatha ami. Ngako ngatsi ngiyawutfululela lulaka lwami etikwabo, ngicedzele intfukutselo yami etikwabo ehlane.

Levithikusi 18:5

Gcinani, nihambe, ngetimiso nemitsetfo yami, ngobe lowo loyihloniphako uyawuphila ngayo. NginguSimakadze.

KubaseRoma 10:5

Macondzana nekulunga lokutfolakala ngekugcina umtsetfo Mosi wabhala watsi: “Umuntfu lowenta lokufunwa ngumtsetfo uyawuphila ngako.”

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

1 yaJohane 4:16

Tsine siyalwati lutsandvo Nkulunkulu lasitsandza ngalo, futsi siyakholwa ngilo. Nkulunkulu ulutsandvo. Umuntfu lohlala elutsandvweni uhlala kuNkulunkulu, naNkulunkulu uhlala kuye.

1 Samuweli 2:2

“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.