Matewu 18:8 - Siswati 1996 Bible

⁸ “Nangabe sandla nome lunyawo lwakho lukonisa, lujube ululahle khashane nawe; ngobe kuncono kuwe kungena ekuphileni uyingini, nome uyinchute kunekutsi ube netandla totimbili nome unetinyawo totimbili kepha ulahlwe emlilweni waphakadze.

Matewu 18:8 Referencias Cruzadas

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Hezekeli 18:31

Titsintsitseni kuto tonkhe letono tenu lebesenitentile, nitfole inhlitiyo lensha nemoya lomusha. Nitawufelani nje, ninendlu yaka-Israyeli?

Matewu 17:27

Kodvwa-ke kuze singabakhubi, hamba uye elwandle ufike ujike lidweba lakho udwebe. Leyo nhlanti lotayibamba kucala emlonyeni wayo uyawukhandza luhlavu lwemali; ulutsatse, ubanike, utselele mine nawe, sobabili.”

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Matewu 25:46

Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”

Lukha 14:33

Jesu wagcina ngekutsi: “Kunjalo-ke nakini, kute longaba ngumfundzi wami ngaphandle kwekutsi adzele konkhe lanako.”

Lukha 16:24

Sase siyamemeta sitsi: ‘Babe Abrahama, ngihawukele ungitfumelele nango Lazaro enye sihloko semuno wakhe emantini atengiphotisa elulwimini, ngobe ngisebuhlungwini lobukhulu, ngiyasha!’

KubaseRoma 13:12

Busuku sebuyaphela, imini seyisondzele. Ngako-ke asilahle yonkhe imisebenti yebumnyama, sihlome tikhali tekukhanya.

Sembulo 14:10

uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”