Matewu 18:28 - Siswati 1996 Bible

²⁸ “Kepha satsi siphuma nje leso sisebenti, sahlangana nalesinye sisebenti lesasikanye naso, lesasisikweleda emaRandi lalishumi. Sasibamba sasekhama, satsi: ‘Khipha imali yami!’

Matewu 18:28 Referencias Cruzadas

Nehemiya 10:31

“Ngesikhatsi labantfu lesakhelene nabo nabeta netintfo tabo tekutsengiswa nome emabele nemimbila yabo ngemaSabatha batsi batesitsengisela, ngeke sitsenge lutfo lwabo ngeliSabatha, ngisho nangalelinye nje lilanga lelingcwele. “Njalo nje ngemnyaka wesikhombisa singeke siwulime umhlaba, futsi siyawucisha tonkhe tikwelede.

Nehemiya 5:7

Ngazindla ngato engcondvweni yami, ngase ngisola labahlonishwa babo netindvuna tabo ngitsi: “Nibacindzetelelani labomnakenu?” Ngabita umhlangano lomkhulu wekucatulula lengcaki.

Taga 28:3

Umholi lomubi lophuyile acindzetele labamphofu ufanana nesikhukhula selitulu leligcoba livungule.

Isaya 58:3

Babuta batsi: ‘Sizileleni kudla, wena wangete wakubona loko? Sititfobeleni, wena wangete wanaka?’ “Noko ngelilanga lenu lekuzila kudla nenta njengekutsandza kwenu, nicindzetele tonkhe tisebenti tenu.

Hezekeli 45:9

“ ‘Naku lokushiwo yiNkhosi Simakadze, itsi: Senone kakhulu, nine babusi baka-Israyeli. Khawulani lobudlova benu bekucindzetela bantfu. Yentani lokulungile nalokwemukelekako kuNkulunkulu kutsi kulungile. Ningaphindzi nicoshe bantfu bami eveni labo, kusho iNkhosi Simakadze.

Matewu 18:27

Inkhosi yaleso sisebenti yaba nesihawu, yasesula sonkhe leso sikwelede, yasikhulula.

Matewu 18:29

Lesisebenti sawa phansi satincengela satsi: ‘Ase umane ungibeketelele, ngitakubhadala.’

Matewu 20:2

Watsi asavumelene naletisebenti kutsi utatiholela denariyo munye ngelilanga, wase ubatfumela esivinini sakhe,

Makho 14:5

Ngobe ngabe atsengiswe ngabodenariyo labangema-300, kwabelwa labamphofu lemali.” Bamsola kakhulu lomfati.

Makho 6:37

Kepha Jesu wabaphendvula watsi: “Banikeni nine labangahle bakudle.” Batsi bona: “Singaya yini kuyawutsenga tinkhwa ngabodenariyo labangema-200 sibanikete badle?”

Lukha 10:35

Ngakusasa lomSamariya wakhipha imali lengemasiliva lamabili, wayinika umnikati walendlu yetihambi. Watsi kuye: ‘Ngongele nangu umuntfu wami, nase ngibuya ngitakukhokhela tonkhe tindleko takhe.’ ”

Lukha 7:41

Jesu watsi: “Kwake kwaba khona emadvodza lamabili labekweleda umtjelekisi wetimali. Lenye yayimkweleda tinhlavu tesiliva letingema-500, lenye yayimkweleda tinhlavu tesiliva letingema-50.

Johane 6:7

Filiphu wamphendvula watsi: “Tinkhwa temaLangeni langema-200 tingeke tibenele, kube ngulowo nalowo atfole lucetwana nje.”

Dutheronomi 15:2

Loku kuyakwentiwa kanje: Wonkhe umbolekisi kufanele asesule sikwelede umnakabo longum-Israyeli lanaso kuye. Angeke aphindze asihambele sikwelede sakhe kumnakabo longum-Israyeli, ngobe phela sikhatsi saSimakadze sekwesula tikwelede sesimenyetelwe.