Matewu 16:21 - Siswati 1996 Bible

²¹ Kusukela lapho Jesu wacala wakhuluma ngalokusebaleni nebafundzi bakhe watsi: “Kufanele ngiye eJerusalema, ngiyewuhlushwa tibondza telibandla, nebaphristi labakhulu, nebafundzisi bemtsetfo. Ngitawubulawa, kodvwa ngelilanga lesitsatfu ngiyawuvuswa.”

Matewu 16:21 Referencias Cruzadas

Nehemiya 12:7

naSalu, na-Amoki, naHilkiya, naJedaya. Labo-ke bekubaholi bebaphristi nebeticheme tabo ngesikhatsi saJeshuwa.

Matewu 12:40

Njengobe naJona ahlala emalanga lamatsatfu nebusuku lobutsatfu esiswini semkhoma, kanjalo futsi neNdvodzana yeMuntfu iyawuhlala emalanga lamatsatfu nebusuku lobutsatfu ematfunjini emhlaba.

Matewu 16:22

Phetro wase umdvonsela eceleni wamekhuta watsi: “Nkhosi, Nkulunkulu akakusite, loku kungete kwenteka kuwe!”

Matewu 16:28

Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”

Matewu 17:12

Kepha ngitsi kini: Elija sewefika, kuphela nje kutsi bantfu abazange bamati, kodvwa benta kuye konkhe labakutsandzako. Kanjalo-ke neNdvodzana yeMuntfu iyawuhlushwa ngabo.”

Matewu 17:9

Basehla kulentsaba Jesu wabadvonsa ngendlebe, watsi: “Ningatjeli muntfu ngalombono leniwubonile, kuze kuvuswe iNdvodzana yeMuntfu kulabafile.”

Matewu 20:28

Njengobe neNdvodzana yeMuntfu ayitelanga kukhontwa, kepha yetela kutawukhonta nekunikela ngemphilo yayo, kutsi ibe yinhlawulo yalabanyenti.”

Matewu 26:2

“Njengobe nati kutsi sekusele emalanga lamabili kutsi kube nguMkhosi weliPhasika, iNdvodzana yeMuntfu itawunikelwa kuze ibetselwe esiphambanweni.”

Matewu 26:47

Watsi asakhuluma loko, kwefika Judasi labengulomunye walababeli-12, anesicuku lesikhulu sebantfu, sihlome ngetinkemba netindvuku, sitfunywe baphristi labakhulu kanye netibondza temaJuda.

Matewu 27:12

Kepha ngesikhatsi baphristi labakhulu netibondza bametfwesa emacala abengaphendvuli.

Matewu 27:63

batsi kuye: “Nkhosi, siyakhumbula kutsi lomkhohlisi asaphila watsi: ‘Ngiyawuvuka emvakwemalanga lamatsatfu.’

Matewu 28:6

Akekho lapha; uvukile, njengobe abeshito. Wotani nitewubona indzawo lapho abelele khona.

Makho 8:31

Jesu watjela bafundzi bakhe kutsi iNdvodzana yemuntfu ifanele kuhlushwa ngalokunyenti, ilahlwe natibondza telibandla, nebaphatsi bebaphristi, netati temtsetfo, ibulawe, ivuke emvakwemalanga lamatsatfu.

Makho 9:12

Jesu wabaphendvula watsi: “Vele, Elija uyabuya kutawubuyisela tonkhe tintfo ngabolonina. Pho, isho kutsini imiBhalo nayitsi iNdvodzana yeMuntfu ifanele kuhlushwa ngetintfo letinyenti, yedzelelwe?

Lukha 17:25

Kodvwa kwekucala ifanele ihlupheke kakhulu ilahlwe bantfu balesitukulwane.

Lukha 24:46

Watsi kubo: “Naku lokubhaliwe kutsi Khristu ufanele kuhlupheka abulawe abuye avuswe ekufeni ngelilanga lesitsatfu,

Lukha 9:31

babonakala ngebukhatikhati banenkhatimulo yasezulwini bakhuluma naJesu ngeluhambo lwakhe belutawugcwaliseka eJerusalema lokwakuyinjongo yaNkulunkulu.