Matewu 14:19 - Siswati 1996 Bible

¹⁹ Jesu wase utjela bantfu kutsi bahlale phansi etjanini, watsatsa letinkhwa letisihlanu naletinhlanti letimbili, wabuka etulu, wabusisa. Wahlephula tinkhwa wanika bafundzi bakhe, bona base bemukelisa leticumbi.

Matewu 14:19 Referencias Cruzadas

Matewu 14:18

Watsi yena: “Tiletseni lapha kimi.”

Makho 6:39

Wabayala bafundzi bakhe watsi abahlalise labantfu ngetigaba tabo etjanini lobuluhlata.

Makho 6:41

Watsatsa letinkhwa letisihlanu naletinhlanti letimbili wabuka etulu ezulwini, watibusisa. Wahlephula letinkhwa watiniketa bafundzi bakhe kutsi batabele labantfu; wacetuna naletinhlanti letimbili wabanika bonkhe.

Makho 7:34

Wabheka ezulwini wabubula watsi kuyo: “Efatha,” lokusho kutsi: “Vuleka.”

Lukha 22:17

Jesu wemukela indzebe, wabonga kuNkulunkulu wase utsi: “Tsatsani loku nenetisane;

Lukha 22:19

Wase utsatsa sinkhwa, wabonga kuNkulunkulu, wasihlephula, wabanika watsi kubo: “Loku ngumtimba wami [lonikelwe esikhundleni senu. Yentani loku kuze kube sikhumbuto ngami.”

Lukha 24:30

Nasekudliwa, watsatsa sinkhwa, wasibusisa, wase uyasihlephula, sewuyabanika.

Lukha 9:14

Bekungaba ti-5 000 temadvodza labelapho. Jesu watsi kubafundzi bakhe: “Hlalisani labantfu ngema-50 sicumbi sisinye.”

Lukha 9:16

Jesu wase utsatsa letinkhwa letisihlanu netinhlanti letimbili wabuka ezulwini, watibusisa, watihlephula wase utinika bafundzi bakhe kutsi babele bantfu.

Johane 11:41

Base bayalisusa-ke lelitje. Jesu wabuka etulu watsi: “Ngiyabonga, Babe, ngobe ungivile.

Johane 6:23

Kodvwa letinye tikebhe lebetiphuma eThibheriyase, tefika edvutane naleyo ndzawo, lapho lesicumbi sasidlele khona tinkhwa emvakwekubonga kweNkhosi.

Imisebenti yebaPhostoli 27:35

Watsi kube asho loko Pawula watsatsa sinkhwa wabonga kuNkulunkulu embikwabo bambuka bonkhe, wasihlephula wacala wadla.

KubaseRoma 14:6

Lowo lohlonipha lilanga ulihloniphela iNkhosi; nalowo lodlako udlela iNkhosi, ngobe naye ubonga kuNkulunkulu; kantsi nalowo longadli uyekelela iNkhosi, ngobe naye ubonga kuNkulunkulu.

1 kubaseKorinthe 10:16

Kantsi indzebe yesibusiso lesiyibongako ayisiyo yini inhlanganyelo yengati yaKhristu? Sinkhwa lesisihlephulako asisiso yini sinkhwa senhlanganyelo yemtimba waKhristu?

1 kubaseKorinthe 10:31

Imphendvulo yami itsi: Nome niyadla, nome niyanatsa, nome nentani-ke lokunye, konkhe akwentelwe ludvumo lwaNkulunkulu.

1 kubaseKorinthe 11:24

wabonga wasihlephula, watsi: “Loku ngumtimba wami lohleshulelwe nine. Loku kwenteni kuze ningikhumbule.”

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

1 Samuweli 9:13

Nitawutsi nisangena edolobheni, nimkhandze asengakaphumi kwenyukela entsabeni kuyakudla. Bantfu bangeke bacale kudla angakefiki, ngobe phela kufanele awubusise lomhlatjelo; emvakwaloko-ke, labo labamenyiwe batawube sebayadla. Yenyukani, nifanele kumkhandza ngaso lesikhatsi.”