Matewu 12:35 - Siswati 1996 Bible

³⁵ Umuntfu lolungile ukhipha lokulungile engungwini yakhe lelungile; nemuntfu lomubi ukhipha lokubi engungwini yakhe lembi.

Matewu 12:35 Referencias Cruzadas

Jobe 8:10

Tingete takufundzisa yini tikutjele? Tingete tawakhipha yini emavi laphuma ekuhlakanipheni kwato?

Taga 12:6

Emavi ebantfu lababi acotsele kucitsa ingati; kodvwa emavi alabalungile ayabakhulula bantfu.

Taga 15:23

Umuntfu uyajabula nakanika imphendvulo lengiyo. Maye! Kuhle kunika imphendvulo lefanele ngesikhatsi lesifanele!

Taga 15:28

Umuntfu lolungile ucabanga kucala angakaphendvuli; kodvwa bantfu lababi batfulula bubi ngemilomo yabo.

Taga 15:4

Emavi ekubuyisana angumutsi wekuphila; kodvwa emavi elulaka ephula umphefumulo.

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

Matewu 13:52

Wase utsi kubo: “Ngako-ke wonkhe umfundzisi wemtsetfo loba ngumfundzi embusweni welizulu, unjengemnikati wemuti lokhipha engcebeni yakhe lokusha nalokudzala.”

Matewu 7:17

Sihlahla lesimnandzi sitsela titselo letimnandzi, kantsi sihlahla lesibi sitsela titselo letimbi.

Lukha 6:45

Umuntfu lolungile uveta lokulungile lokuphuma engungwini yenhlitiyo yakhe lenhle. Nemuntfu lomubi uveta tintfo letimbi letivela enhlitiyweni yakhe lembi, ngako umlomo wemuntfu ukhuluma loko lokugcwele enhlitiyweni yakhe.”

Kubase-Efesu 4:29

Akungabe kusaphuma nalinye livi lelibolile emlonyeni wenu, kodvwa kube ngulelilungele kwakha njengalokuswelekile, kuze libavetele umusa labevako.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

KubaseKholose 4:6

Kukhuluma kwenu akube nemusa ngaso sonkhe sikhatsi, nikunandzise njengeluswayi ekudleni, khona nitekwati lenifanele kubaphendvula ngako bantfu.