Matewu 12:27 - Siswati 1996 Bible

²⁷ Nanitsi mine ngikhipha emadimoni ngaBhelzebule, pho, emadvodzana enu awakhipha ngabani? Ngako-ke ngiwo layakuba bagwebi benu.

Matewu 12:27 Referencias Cruzadas

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Matewu 9:34

Kepha baFarisi batsi: “Ukhipha emadimoni ngembusi wemadimoni.”

Lukha 11:19

Nangabe emadimoni ngiwakhipha kanjalo, pho, lenihambisana nabo bawakhipha kanjani? “Ngako-ke labo lenihambisana nabo ngibo labanilahlako.

Lukha 19:22

Yase itsi lenkhosi kuso: ‘Wena sisebenti lesibi, ngitakulahla ngelicala ngemavi akho! Uyati kutsi ngingumuntfu lonelulaka, ngitsatsa lokungesiko kwami, ngivune lapho ngingazange ngihlanyele khona!

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.