Matewu 10:20 - Siswati 1996 Bible

²⁰ Ngobe akusini leniyakukhuluma, kepha nguMoya weYihlo wasezulwini loyawukhuluma ngani.

Matewu 10:20 Referencias Cruzadas

2 Samuweli 23:2

“Moya waSimakadze wakhuluma ngami. Livi lakhe labaselulwimini lwami.

Eksodusi 4:12

Hamba nyalo! Ngiyawukusita nase ukhuluma, ngikutjele kutsi utawukhuluma utsini.”

Matewu 6:32

Ngobe nebetive bafuna tona leto tintfo, kantsi uYihlo losezulwini uyati kutsi niyatidzinga tonkhe letintfo.

Makho 12:36

Davide, agcwele Moya Longcwele, washo watsi: “ ‘INkhosi yatsi eNkhosini yami: “Hlala lapha ngesekudla sami, ngize ngibeke titsa takho ngaphansi kwetinyawo takho.” ’

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

Lukha 12:12

Ngobe Moya Longcwele uyawunifundzisa ngaso leso sikhatsi lenifanele kukusho.”

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Imisebenti yebaPhostoli 13:9

Kodvwa Sawula lokunguPawula, agcwele Moya Longcwele, wasibukisisa lesangoma.

Imisebenti yebaPhostoli 2:4

Bonkhe bagcwaliswa ngaMoya Longcwele; base bakhuluma ngaletinye tilimi, njengobe Moya wabapha kuphumisela.

Imisebenti yebaPhostoli 28:25

Ngako base bahamba baphikisana bodvwana, lapho Pawula asabeke inkhulumo letsi: “Maye, washo kahle Moya Longcwele nakakhuluma ngemphrofethi Isaya kubokhokho benu,

Imisebenti yebaPhostoli 4:8

Phetro agcwele Moya Longcwele wabaphendvula watsi: “Baholi, nani tibondza,

Imisebenti yebaPhostoli 6:10

Kodvwa Moya wanika Stefano kuhlakanipha kangangobe abetsi nakakhuluma behluleke nekumphikisa.

2 kubaseKorinthe 13:3

njengobe nifuna siciniseko kutsi Khristu ukhuluma kimi. Yena angeke aniphatse ngebutsakatsaka, kodvwa unemandla kini.

1 kubaseThesalonika 2:13

Ngako-ke sibonga Nkulunkulu singakhawuli ngekutsi natsi nanemukela livi laNkulunkulu lenaliva kitsi, nalemukela, hhayi njengelivi lemuntfu nje kodvwa njengobe linjalo lilivi laNkulunkulu lelisebenta kini nine lenikholwako.

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

2 yaPhetro 1:21

Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.