Malakhi 4:5 - Siswati 1996 Bible

⁵ “Bukani la, ngiyawunitfumelela umphrofethi Elija, lingakefiki lelo langa lelikhulu nalelesabekako laSimakadze.

Malakhi 4:5 Referencias Cruzadas

Isaya 40:3

Livi lalomemetako litsi: “Lungisani indlela yaSimakadze ehlane; yentani ucondze ekhatsi ehlane umgwaco lomkhulu waNkulunkulu wetfu.

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Zefaniya 1:14

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.

Malakhi 3:1

“Bukani la, ngiyawutfumela sitfunywa sami, lesiyawulungisa indlela embikwami. Masinyane loSimakadze lenimfunako uyakuta ethempelini lakhe. Yebo, sitfunywa sesivumelwane lenisifisako siyawufika,” kusho Simakadze longuSomandla.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Lukha 1:17

Uyawuhamba embikwakhe ngemoya nangemandla njengemphrofethi Elija. Uyawuhlanganisa boyise nebantfwana babo babuye babe nebudlelwane, agucule bantfu labangalaleli babe ngulabalungile; uyakwenta bantfu balungele kuta kweNkhosi yabo.”

Lukha 9:30

Kusenjalo kwabonakala emadvodza lamabili asakhuluma naye, kwakuboMosi na-Elija;

Johane 1:21

Bambuta batsi: “Pho, ungubani? Ungu-Elija yini?” Waphendvula watsi: “Cha, angisiye.” Bambuta batsi: “Ungumphrofethi yini?” Waphendvula watsi: “Cha.”

Johane 1:25

Bambuta-ke batsi: “Pho, ubhabhatiselani nangabe awusiye Khristu, nome Elija, nome umphrofethi?”

Sembulo 6:17

ngobe lilanga lelikhulu lelulaka labo selifikile. Ngubani longaba nemandla ekuma?”