Malakhi 3:5 - Siswati 1996 Bible

⁵ “Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Malakhi 3:5 Referencias Cruzadas

Genesisi 20:11

Abrahama wamphendvula watsi: “Ngikwente ngobe ngicabange ngatsi: ‘Akukho kwesaba Nkulunkulu kulendzawo, ngako batangibulala ngenca yalomfati wami.’

Genesisi 42:18

Ngelilanga lesitsatfu Josefa wakhuluma nabo watsi: “Mine ngingumuntfu lowesaba Nkulunkulu, yentani naku kuze nitewuphila.

Nehemiya 5:15

Bonkhe babusi lababephetse ngembili kwami babengumtfwalo kubantfu, futsi babephocelela kutsi bantfu bakhiphe kudla neliwayini kanye netinhlavu tesiliva letingema-40 ngelilanga. Ngisho netisebenti tabo tatingumtfwalo kubantfu. Noko mine angikwentanga loko ngenca yekwesaba Nkulunkulu.

Jobe 31:12

Lowo ngumlilo loshisa kube khona imbhubhiso, ngabe kusizuphunile sivuno sami sonkhe.

Jobe 7:2

Njengesigcili silangatelela ematfunti asentsambama, nanjengemuntfu locashiwe lolindzela ngekulangatelela umholo wakhe,

Tihlabelelo 36:1

Sono siyakhuluma ekujuleni kwenhlitiyo yalomubi. Yebo, lomubi akamesabi Nkulunkulu.

Tihlabelelo 81:8

“Lalelani, sive sami, nginiyale: Awu, ma-Israyeli! Shangatsi ngabe niyangilalela.

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Eksodusi 1:17

Kodvwa babelekisi besaba Nkulunkulu, ngako abazange bawente lomyalo wenkhosi, babengatibulali letinswane letibafana.

Eksodusi 18:21

Ngetulu kwaloko khetsa emadvodza lafanele, naletsembekile, lesaba Nkulunkulu, nalengatsengeki, uwabeke abe baholi: betinkhulungwane, nebemakhulu, nebema-50, nebemashumi.

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Eksodusi 22:20

“Lonikela imihlatjelo esithicweni anganikeli kuSimakadze, nimbulale.

Taga 16:6

Ngekutinikela nekwetsembeka umuntfu uyawutfola kutsetselelwa, ngekwesaba Simakadze umuntfu uyawubalekela lokubi.

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

Isaya 57:3

“Kodvwa nine, wotani la, nine madvodzana esangoma lesisikati, nine ntalo yetiphingi neyetingwababane!

Jeremiya 23:10

Live ligcwele tiphingi; ngenca yesicalekiso live ligagadzekile, nemadlelo asehlane asahangukile. Baphrofethi balandzela bubi, basebentise ligunya labo ngalokungekho emtsetfweni.

Jeremiya 27:10

Baphrofetha emanga kini, khona nitewususwa emaveni enu niyiswe khashane nawo; ngitanicosha eveni lenu, niyawuphela.

Jeremiya 27:9

Ngako-ke ningabalaleli baphrofethi benu, nebaphenguli benu, nebahumushi benu bemaphupho, netangoma, nalababhulako labanitjela batsi: ‘Ningeke niyikhonte inkhosi yaseBhabhulona.’

Jeremiya 29:23

Ngobe babente intfo lesinengiso kabi ka-Israyeli, baphinga nebafati babomakhelwane babo, bakhuluma emanga ngeLibito lami, lengangingazange sengibatfume kutsi bakwente. Ngiyakwati loko futsi ngingufakazi wako,’ kusho Simakadze.”

Jeremiya 42:5

Ngako base bakhuluma kuJeremiya, batsi: “Shangatsi Simakadze angaba ngufakazi loneliciniso nalowetsembekile lotawuphambana natsi, nasingakwenti ngendlela lengiyo konkhe Simakadze longuNkulunkulu wakho lakutfume kona kutsi usitjele.

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Jeremiya 5:29

Simakadze utsi: “Akukafaneli yini kutsi ngibajezise ngaloku? Akukafaneli yini kutsi ngitenanele kulesive lesinje?

Levithikusi 19:13

“ ‘Ungamebeli makhelwane wakho; ungawubambi umholo wesisebenti kuze kube ngakusasa.

Levithikusi 20:10

“ ‘Nangabe indvodza iphinga nemfati walenye indvodza, nome yamakhelwane wayo, bobabili, lesiphingi nalesiphingikati, kufanele babulawe.

Levithikusi 20:27

“ ‘Indvodza nome lomsikati losangoma nome longumtsakatsi nibombulala. Labo nibobagcoba ngematje baze bafe; ingati yabo iyawubasetikwabo.’ ”

Levithikusi 20:6

“ ‘Ngiyawubufulatselisa buso bami kulowo muntfu locela lusito kulabaphansi agwadle nabo ngekubalandzela; yebo, lowo muntfu ngiyawumncuma esiveni sakubo.

Mikha 1:2

Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.

Habakhuki 1:12

Awu, Simakadze, awusiye yini wena wasendvulo? Nkulunkulu wami, wena Longcwele wami, singeke sife. Awu, Simakadze, ubeke bona baseBhabhulona kutsi behlisele kitsi sijeziso. Awu, dvwala letfu, umise bona kutsi batewusishaya.

Zakhariya 11:12

Ngabatjela laba labatsengiselana ngetimvu, ngatsi: “Nangabe nibona kuncono kakhulu loko, ngiholeleni; kodvwa nangabe anikuboni loko, lowo mholo wugcineni.” Ngako bangiholela tinhlavu letingema-30 tesiliva.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Malakhi 2:14

Niyabuta nitsi: “Leni?” Kungobe Simakadze abengufakazi emkhatsini wakho nemfati webusha bakho, ngobe awuketsembeki kuye, nome yena usengumkakho, umfati wesivumelwane semshado.

Malakhi 2:17

Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”

Lukha 23:40

Lesi lesinye sasekhuta, satsi: “Awumesabi yini Nkulunkulu? Naku silapha sonkhe ngesigwebo lesifanako.

KubaseRoma 3:8

Pho, akushiwo ngani-ke kutsi: “Asente lokubi, khona kutawuvama lokuhle”? Labanye bantfu, badzimate bangetfuka ngekungibeka licala ngekutsi ngikhuluma kanjalo! Bayawulahlwa njengobe kufanele.

Dutheronomi 15:13

Nawumkhulula ungacali umhambise yabayaba.

Dutheronomi 18:10

Kubete emkhatsini wenu loyawutfolakala anikela ngendvodzana nome ngendvodzakati yakhe ngekuyengcisa emlilweni, kubete nalobhulako nome losangoma, nome lohumusha tigameko, angenele butsi,

Dutheronomi 24:17

“Ningabadleleli betive nome tintsandzane emalungelo langewabo nome nitsatse sembatfo semfelokati sibe sibambiso salakwebolekile.

Dutheronomi 27:19

“ ‘Ucalekisiwe umuntfu logodla emalungelo kuto tindzindzi, nakuto tintsandzane kanye nakubafelokati.’ “Bonkhe bantfu bayawuphendvula batsi: ‘Amen.’

Dutheronomi 5:11

“ ‘Ungalisebentiseli lite libito laSimakadze Nkulunkulu wakho, ngobe Simakadze angeke ahlale angambeki licala lowo lolisebentisa ngelite libito lakhe.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

KumaHebheru 13:4

Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.

YaJakobe 5:12

Kepha, bazalwane bami, etikwako konkhe ningafungi, nome ngelizulu, nome ngemhlaba, nome ngangusiphi sifungo; kodvwa nanivuma nibotsi: “Yebo” nome-ke nitsi: “Cha” nangabe niyala, kuze ningangeni ekwehlulelweni.

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.