Malakhi 3:14 - Siswati 1996 Bible

¹⁴ “Nine nitsite: ‘Akunamsebenti kukhonta Nkulunkulu. Yini nje lesiyizuzile ngekwenta lakufunako nangekuhamba njengebantfu labalilako embikwaSimakadze longuSomandla?

Malakhi 3:14 Referencias Cruzadas

Jobe 22:17

Bakhuluma kuNkulunkulu batsi: ‘Ase usiyekele! Somandla angasentani tsine?’

Jobe 34:9

ngobe utsi: ‘Umuntfu akumsiti ngalutfo kwetama kujabulisa Nkulunkulu.’

Jobe 35:3

Kodvwa uyambuta utsi: ‘Kutangisita ngani mine loko, kona mine ngitfolani ngekuhlala ngingoni?’

Isaya 43:22

“Noko awukangibiti, wena Jakobe, awukatihluphi ngami, wena Israyeli.

Isaya 58:3

Babuta batsi: ‘Sizileleni kudla, wena wangete wakubona loko? Sititfobeleni, wena wangete wanaka?’ “Noko ngelilanga lenu lekuzila kudla nenta njengekutsandza kwenu, nicindzetele tonkhe tisebenti tenu.

Jeremiya 18:12

Kodvwa bayawuphendvula batsi: ‘Akunamsebenti. Sitatichubekela ngemasu etfu, ngulowo nalowo wetfu utatichubekela ngenkhani yenhlitiyo yakhe lembi.’ ”

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Jeremiya 44:18

Kodvwa seloku sayekela kutfuncisa imphepho kuyo iNkhosikati yeLizulu sayekela nekutfululela iminikelo yesinatfo kuyo, asisenalutfo, futsi solo siyabhubha siyaphela ngenkemba nangendlala.”

Hoseya 7:16

Abagucukeli kuLongetulu Kwako Konkhe; bafanana nebutjoki lobungakacini. Baholi babo bayawubulawa ngenkemba ngenca yemagama abo langenanhlonipho. Ngenca yaloko bayawuba luhleko nelihlazo eveni laseGibhithe.”

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

Malakhi 3:13

Simakadze utsi: “Nikhulume kimi emavi lanelulaka nalabuhlungu. “Noko niyabuta nitsi: ‘Sikhulumeni lokumelene nawe?’

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.