Malakhi 3:12 - Siswati 1996 Bible

¹² “Lapho-ke tonkhe tive tiyawutsi nine ningulababusisiwe, ngobe live lenu liyakuba live lelihle,” kusho Simakadze longuSomandla.

Malakhi 3:12 Referencias Cruzadas

2 Tikhronike 32:23

Labanyenti bantfu beta baletsa iminikelo yaSimakadze eJerusalema, netipho letinelinani lelikhulu baliletsa kuHezekiya, inkhosi yakaJuda. Kusukela ngaleso sikhatsi wahlonishwa kakhulu kuto tonkhe tive.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Danyela 11:41

Iyawubuye ingenele nelive lelihle. Emave lamanyenti ayakuwa, kodvwa bo-Edomu neMowabi, kanye nebaholi baka-Amoni bayawukhululwa esandleni sayo.

Danyela 8:9

Kwatsi kulolunye lwato kwamila lolunye luphondvo, lolwacala luluncane, kodvwa lwakhula ngemandla kuya ngaseningizimu, nangasemphumalanga, nangaseveni lelihle.

Zakhariya 8:23

Naku lokushiwo nguSimakadze longuSomandla, utsi: “Ngalawo malanga emadvodza lalishumi lasuka kuto tonkhe tilwimi netive ayawunkonkoshela umJuda munye ngemphetfo wesembatfo sakhe, atsi: ‘Asihambisane nani, ngobe sivile kutsi Nkulunkulu unani.’ ”

Malakhi 3:13

Simakadze utsi: “Nikhulume kimi emavi lanelulaka nalabuhlungu. “Noko niyabuta nitsi: ‘Sikhulumeni lokumelene nawe?’

Lukha 1:48

ngobe ungikhumbulile, mine ncekukati yakhe leyedzelelekile. Kusukela lamuhla tonkhe titukulwane tiyawungibita titsi ngibusisekile,

Dutheronomi 11:12

Leli live Simakadze Nkulunkulu wenu lalinakekelako; emehlo aSimakadze Nkulunkulu wenu akesuki kulo, kusukela ekucaleni kwemnyaka kuze kube ngusekupheleni kwawo.