Malakhi 2:5 - Siswati 1996 Bible

⁵ “Sivumelwane sami naye bekusivumelwane sekuphila nekuthula, nguloko lengamnika kona, kutsi angihloniphe, futsi wavele wangihlonipha wema ekulesabeni Libito lami.

Malakhi 2:5 Referencias Cruzadas

Tihlabelelo 61:5

Wena, Nkulunkulu, utivile tetsembiso tami, ngobe nguwe lobanika lifa, labo labalesabako libito lakho.

Taga 14:2

Umuntfu lohamba ngebucotfo wesaba Simakadze; kodvwa lotindlela takhe tigwegwile wedzelela Simakadze.

Hezekeli 34:25

“ ‘Ngiyakwenta sivumelwane sekuthula nato kutsi tilwane tesiganga ngitisuse eveni, khona timvu tami titewuhlala ehlane tilale emahlatsini tiphephile.

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Numeri 25:7

Watsi kube akubone loko Finehasi, umsa wa-Eleyazare, umsa wa-Aroni, umphristi, washiya sonkhe lesive, watsatsa sikhali ngesandla sakhe,

Numeri 25:8

walandzela lendvodza yem-Israyeli waze wayawungena ethendeni layo. Wafike wabagwaza bobabili, sikhali sangena kulom-Israyeli saze sayawuphumela ngale kulona lomsikati. Lesishayo lesasihlasele ema-Israyeli sakhawula,

Numeri 3:45

“Ngitsatsele emaLevi esikhundleni sawo onkhe ematubulo esive sema-Israyeli kanye nematubulo etifuyo tawo, ninikele ngetifuyo temaLevi esikhundleni sematubulo etifuyo taka-Israyeli. EmaLevi ayawuba ngewami. NginguSimakadze.

Numeri 8:15

Emvakwaloko-ke emaLevi ayawungena ayekwenta inkonzo yawo ethendeni lekuhlangana, nase uwahlambululile wawetfula njengemnikelo wekujikitiswa.