Malakhi 2:2 - Siswati 1996 Bible

² Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

Malakhi 2:2 Referencias Cruzadas

Tihlabelelo 69:22

Shangatsi lidzili labo lingaba lugibe kubo, shangatsi inhlalakahle yabo ingaba ngusochaka kubo.

Taga 3:33

Sicalekiso saSimakadze sisemndenini walomubi, kodvwa indlu yalolungile uyayibusisa.

Isaya 42:25

Ngako watfululela etikwabo intfukutselo yakhe levutsako, nebudlwangudlwangu bemphi. Yabasibekela ngemalangabi, noko abazange bacondze; yabadla, kodvwa abakufakanga enhlitiyweni.

Isaya 47:7

Watsi wena: ‘Ngiyawuchubeka ngibe yindlovukazi kokuphela,’ kodvwa awuzange uticaphele letintfo nome sewubone loko lokungahle kwenteke.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Jeremiya 34:17

“Ngako-ke, naku lokushiwo nguSimakadze, utsi: Anikangilaleli; anikayimemeteli inkhululeko yebantfu bakini. Ngako manje sengimemetela ‘inkhululeko’ yenu, kusho Simakadze, ‘inkhululeko’ yekubulawa ngenkemba, nangesifo lesibulalanako kanye nangendlala. Ngiyawunenta nenyanyeke kuyo yonkhe imibuso yemhlaba.

Hezekeli 3:7

Kodvwa indlu yaka-Israyeli ayikatimiseli kukulalela, ngobe ayikatimiseli nekulalela mine, ngobe yonkhe indlu yaka-Israyeli inenhloko lelukhuni nenhlitiyo lelitje.

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”

Hagayi 1:9

“Benilindzele sivuno lesikhulu, kodvwa navuna kuncane. Loko lenikubuyise ekhaya ngikuphuphutsile, kwahamba. Leni?” kusho Simakadze longuSomandla. “Ngenca yendlu yami lesolomane ihleti itindzala, ngalesikhatsi lapho kungulowo nalowo wenu aphishaneke ngeyakhe indlu.

Malakhi 2:1

“Manje-ke, lomyalo ucondzene nani, nine baphristi:

Malakhi 3:9

Ningaphansi kwesicalekiso, nonkhe nine sive, ngobe nichubeka nekungebela.

Lukha 17:18

Akatfolakalanga namunye yini, lowabuyela emuva weta kutawubonga Nkulunkulu ngaphandle kwalomchamuki?”

Joshuwa 7:19

Joshuwa wakhuluma ku-Akhani, watsi: “Ndvodzana yami, nika Simakadze ludvumo, ukhulume liciniso kuNkulunkulu wema-Israyeli, uvume kuye. Ngitjele kutsi wenteni, ungafihli lutfo kimi.”

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.

Sembulo 14:7

Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”

Sembulo 16:9

Bantfu bashiswa kakhulu, badzimate bacalekisa libito laNkulunkulu lonemandla etikwaletinhlupho; kodvwa abazange baphendvuke badvumise nebukhosi bakhe.