Malakhi 2:16 - Siswati 1996 Bible

¹⁶ Simakadze Nkulunkulu wema-Israyeli utsi: “Ngiyakutondza kwehlukana kwalabashadile, kantsi futsi ngiyayenyanya indvodza levimbanisa ngebudlova njengesembatfo,” kusho Simakadze. Ngako ticaphele wena emoyeni wakho, ungabi ngulongaketsembeki.

Malakhi 2:16 Referencias Cruzadas

Tihlabelelo 73:6

Ngako-ke kutigcabha bakwegabe entsanyeni njengeligcebesha. Budlova babembetse njengengubo.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Taga 5:20

Ndvodzana yami, ungavumi kutfunjwa lutsandvo lwemfati loyingwadla. Utsandzelani kugaca libilo lakho kumfati walenye indvodza?

Isaya 28:20

Umbhedze mfishane kakhulu kutsi ungenaba kuwo, netingubo tingumntjuntju kakhulu kutsi umuntfu angatishumphetela ngato.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Isaya 59:6

Bulembu babo abunamsebenti ekwembatseni, abakwati kutembesa ngaloko labakwakhako. Tento tabo timbi, nemisebenti yebudlova isetandleni tabo.

Lukha 16:18

“Nangabe indvodza idivosa umkayo bese iteka lomunye umfati, iyaphinga; nendvodza letsatsa umfati lodivosiwe, iyaphinga.”

1 kubaseKorinthe 7:10

Kepha labashadile ngiyabayala, kungesimi kodvwa kuyiNkhosi, kutsi umfati angehlukani nendvodza yakhe.