Malakhi 2:11 - Siswati 1996 Bible

¹¹ Juda abengaketsembeki. Intfo lesinengiso seyentiwe ka-Israyeli naseJerusalema: Juda sewungcolise indzawo lengcwele letsandvwa nguSimakadze, emadvodza akaJuda ateka bafati labakhonta sithico sebetive.

Malakhi 2:11 Referencias Cruzadas

Ezra 10:2

Kwatsi Shekhaniya, umsa waJehiyeli, lomunye wetitukulwane ta-Elamu, wakhuluma ku-Ezra watsi: “Asiketsembeki kuNkulunkulu wetfu ngekutsi siteke bafati baletive letisitungeletile. Kodvwa nome kunjalo, lisekhona litsemba ka-Israyeli.

Ezra 9:12

Ngako-ke ningacali nivumele emadvodzakati enu kutsi atekwe ngemadvodzana ato, nemadvodzana enu angawateki emadvodzakati ato. Ningacali nome ngunini nitisekele emnotfweni wato, khona nitewucina nidle tintfo letimnandzi talelive, nilishiyele bantfwabenu kutsi litewuba lifa labo laphakadze naphakadze.’

Tihlabelelo 106:28

Base batihlanganisa nalababekhonta sithico lesasinguBhali wasePheyori, badla lokwakuhlatjelwe labaphansi,

Jeremiya 2:3

Israyeli abengcwele kuSimakadze, tilinga tesivuno sakhe; bonkhe labamshwabudzela babekwa licala, inhlekelele yehlela etikwabo,’ ” kusho Simakadze.

Jeremiya 3:10

Ngetulu kwako konkhe loko, dzadzewabo longetsembeki, Juda, akazange abuyele kimi ngayo yonkhe inhlitiyo yakhe, kodvwa kwaba ngekutentisa nje,” kusho Simakadze.

Jeremiya 7:10

bese niyeta nitewuma lapha embikwami kulendlu leneLibito lami, nitsi: “Siphephile,” kambe niphephele kutsi nente tonkhe letintfo letisinengiso?

Hezekeli 18:13

Webolekisela kutsi atfole inzuzo lenkhulu, atsatse nentalo lenkhulu kakhulu. Umuntfu lonjalo angaphila kanjani-ke? Ngeke! “Njengobe ente tonkhe letintfo letisinengiso, ngempela loyo uyawubulawa, nengati yakhe iyawubasetikwenhloko yakhe.

Hezekeli 22:11

Kuwe kunemuntfu lophinga nemfati wamakhelwane wakhe, lomunye ente lihlazo ngekuphinga namalukatane wakakhe, lomunye adlwengule indzodzakati letalwa nguyise cobo.

Hoseya 6:7

Njenga-Adamu, sebasephulile sivumelwane, abaketsembeki kimi.

Levithikusi 20:26

Kufanele nibe ngcwele kimi, ngobe mine, Simakadze, ngingcwele, ngitehlukanisele nine emkhatsini wetive tonkhe kutsi nibe sive sami.

Malakhi 1:1

Sembulo: Livi laSimakadze lelefika kuma-Israyeli ngemphrofethi Malakhi.

Dutheronomi 14:2

ngobe nisive lesingcwele saSimakadze Nkulunkulu wenu. Kuto tonkhe tive letisebusweni bemhlaba, Simakadze ukhetse nine kutsi nibe sive lesiligugu lakhe.”

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Tikhulu 3:6

Atsatsa emadvodzakati aletive ashada nawo, atsatsa nemadvodzakati awo awendzisela emadvodzana aletive, akhonta nabonkulunkulu bato.