Malakhi 1:4 - Siswati 1996 Bible

⁴ Edomu angasho atsi: “Nome sipitjitiwe, kodvwa sitawutakha kabusha letindzala.” Kodvwa naku lokushiwo nguSimakadze longuSomandla, utsi: “Bangakha, kodvwa ngitawuphindze ngibhidlite. Bayawubitwa ngekutsi Live Lenkhohlakalo, sive lesihlala njalo singaphansi kwelulaka lwaSimakadze.

Malakhi 1:4 Referencias Cruzadas

Jobe 12:14

Loko lokubhidlitwe nguye, kute longaphindze akwakhe kabusha, umuntfu lamfake ejele angeke akhululwe ngumuntfu.

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 127:1

Indlu nayingakhiwa nguNkulunkulu, basebentela lite labo labayakhako. Lidolobha nalingagadvwa nguNkulunkulu, basebentela lite labo labaligadzako.

Tihlabelelo 137:7

Khumbula, Simakadze, lokwentiwa ngema-Edomu mzukwana kutfunjwa iJerusalema. Khumbula kutsi bakusho kanjani kutsi: “Yibhidliteni! Yibhidliteni iphele nya!”

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 10:4

Kute leningakwenta ngaphandle kwekushosha phansi kanye nalabatfunjwako, nome niwele phansi emkhatsini walababulewe. Noko ngako konkhe loku, lulaka lwakhe alukagucuki, nesandla sakhe sisephakeme.

Isaya 11:14

Bayawukwehla emaceleni aseFilistiya bawahlasele enshonalanga, bobabili bayawuphanga bantfu labahlala emphumalanga. Bayawulidla live laka-Edomu nelakaMowabi, babuse etikwema-Amoni.

Isaya 34:10

Singeke sicinywe ebusuku nasemini, intfutfu yaso iyawubhunya phakadze naphakadze, kusukela etitukulwaneni kuye etitukulwaneni live liyawuhlala lilihlane, kute namunye loyawuphindza adzabule ekhatsi kulo.

Isaya 34:5

Inkemba yami seyinatse yenela emazulwini, bukani, yehla ngekwehlulela, yehlela kulaka-Edomu, sive lengitasibhubhisa ngisicedze.

Jeremiya 31:17

“Ngako likhona litsemba ngelikusasa lakho. Bantfwabakho bayawubuyela eveni labo,” kusho Simakadze.

Jeremiya 49:20

Ngako-ke, vanini losekulungiswe nguSimakadze engcondvweni yakhe nge-Edomu, loko lasatimisele kukwenta kulabo labahlala eThemani: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.

Jeremiya 49:7

Macondzana ne-Edomu: Naku lokushiwo nguSimakadze longuSomandla, utsi: “Sekwabate yini kuhlakanipha eThemani? Setaphela yini teluleko kulabahlakaniphile? Kuhlakanipha kwabo sekwabola yini?

Jeremiya 49:8

Jikani nibaleke, bhacani emigedzeni leshonako, nine lenihlala eDedani, ngobe ngiyakwehlisela inhlekelele ka-Esawu, ngesikhatsi nangimjezisa.

Jeremiya 5:17

Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba.”

Sililo 3:37

Ngubani longakhuluma, ente kwenteke, nangabe Simakadze angakakumiseli kutsi kube njalo?

Hezekeli 11:10

Nitawubulawa ngenkemba, bese ngehlisela sigwebo kini ngaseminyeleni yaka-Israyeli. Ngulapho-ke niyawungati khona kutsi mine nginguSimakadze.

Hezekeli 25:13

ngako-ke, naku lokushiwo yiNkhosi Simakadze, itsi: Ngiyakwelula sandla sami ngimelane na-Edomu, ngibulale bantfu bakhe netilwane takhe. Ngiyakumenta abe lihlane, kusukela eThemani kuze kuyewufika eDedani bayawubulawa ngenkemba.

Hezekeli 25:14

Ngiyawukhiphela sibhongo etikwa-Edomu ngesandla sesive sami ema-Israyeli, i-Edomu bayakuyiphatsa ngendlela lefanele intfukutselo yami nelulaka lwami; bayakuyati imphindziselo yami, kusho iNkhosi Simakadze.’ ”

Hezekeli 26:14

Ngiyawukwenta ube lidvwala lelingenalutfo, uyawuba yindzawo yekweneka emanetha ekudweba. Awusayiwuphindza wakhiwe kabusha, ngobe mine Simakadze sengikhulumile, kusho iNkhosi Simakadze.

Hezekeli 35:4

Emadolobha akho ngiyakuwagucula abe ngemadzibikelo, live lakho libe lihlane. Ngulapho-ke uyawukwati khona kutsi mine nginguSimakadze.

Hezekeli 35:9

Ngiyawukwenta ube lihlane phakadze; emadolobha akho angeke abe nebantfu. Ngulapho-ke uyawukwati khona kutsi mine nginguSimakadze.

Amose 1:11

Naku lokushiwo nguSimakadze, utsi: “Bantfu baka-Edomu bone kwaze kwengca, ngaleso sizatfu ngingeke ngihlale ngingabajezisi. Bacosha bomnakabo ngenkemba balahla sihawu, intfukutselo yabo yabhebhetseka kokuphela, yebo, nekutfukutsela kwabo kwakungasekhuteki.

Amose 3:15

Ngiyawubhidlita indlu yasebusika kanye nendlu yasehlobo, tindlu letihlotjiswe ngematinyo etindlovu tiyawubhidlitwa, kanjalo netindlu letibukekako tiyawuhhihlitwa,” kusho Simakadze.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 6:11

Ngobe Simakadze ubeke umyalo, lendlu lenkhulu itawubhidlitwa, iphihlitwe ibe ticucu, kutsi nalena lencane ibe ticucu.

Amose 6:2

Kutsiwa: “Hambani niye eKhalne, niye kuyibuka. Nibosuka lapho nicondze eHamathi lenkhulu, nisuke lapho nehlele eGathi yaseFilistiya! Nine nincono yini kunaleyo mibuso? Live labo lalilikhulu yini kunelenu?”

Obadiya 1:1

Umbono wa-Obadiya: Loku ngulokwakhulunywa yiNkhosi Simakadze ngesive saka-Edomu: Sivile livi leliphuma kuSimakadze. Utfumele lincusa lakhe etiveni, watsi: “Sukumani, sambe siyekulwa na-Edomu.”

Obadiya 1:10

“Ngenca yebudlova bakho lobente kubomnakenu, titukulwane taJakobe, uyakwembeswa ngelihlazo, ubhujiswe ingunaphakadze.

Malakhi 1:3

kodvwa Esawu ngamtondza. Ngagucula tintsaba takhe taba lugwadvule, lifa lakhe ngalishiyela timphungutja tasehlane.”

Matewu 12:30

“Longekho ngakimi, umelene nami; nalongabutsi kanye nami, uyasakata.