Malakhi 1:14 - Siswati 1996 Bible

¹⁴ “Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Malakhi 1:14 Referencias Cruzadas

Genesisi 27:12

Babe angahle angiphatse ngesandla, bese ngitfolakala ngingulonebucili, esikhundleni sekutsi angibusise angicalekise.”

2 Samuweli 24:24

Kodvwa inkhosi, Davide, yaphendvula Arawuna, yatsi: “Cha! Ngitakukhokhela ngaloku. Ngingeke ngente umhlatjelo kuSimakadze Nkulunkulu wami, umnikelo wekushiswa lengingakawukhokheli lutfo.” Ngako Davide watsenga libala lekubhulela kolo naletinkhabi, wakukhokhela ngetinhlavu tesiliva letatingaba ngema-50.

Tihlabelelo 102:16

Ngobe Simakadze utawube asayakhe kabusha iSiyoni, asabonakele enkhatimulweni yakhe,

Tihlabelelo 47:2

Ngobe Simakadze, Losetikwako Konkhe uyesabeka, uyiNkhosi lenkhulu etikwemhlaba wonkhe.

Tihlabelelo 47:3

Wagoba tive, netinhlanga tasikhotsamela, sahamba etikwato ngetinyawo.

Tihlabelelo 47:8

Nkulunkulu ubusa etikwetive, Nkulunkulu uhleti esihlalweni sakhe lesingcwele sebukhosi.

Tihlabelelo 48:2

Yinhle ngekuphakama kwayo, ikujabula kwemhlaba wonkhe. INtsaba iSiyoni isemaphetselweni enyakatfo, ilikhaya leNkhosi lenkhulu.

Tihlabelelo 68:35

Uyesabeka, Nkulunkulu, endzaweni yakho lengcwele. Nkulunkulu wema-Israyeli, nguwe lonika bantfu emandla nekucina. Akadvunyiswe Nkulunkulu!

Tihlabelelo 76:12

Nguye lotfobisa tikhulu, uyesabeka emakhosini emhlaba.

Tihlabelelo 95:3

Ngobe Simakadze nguNkulunkulu lomkhulu, unguMbusi lomkhulu lonemandla kunabo bonkhe bonkulunkulu.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 46:18

“Ngifunga kuphila kwami,” kusho iNkhosi, lelibito layo kunguSimakadze longuSomandla, “kuyawufika lowo lonemandla njengeThabori emkhatsini wetintsaba, nanjengeKhameli ngaselwandle.

Jeremiya 48:10

“Akacalekiswe umuntfu loyeketsisako ekwenteni umsebenti waSimakadze! Akacalekiswe umuntfu lokhweshisa inkemba yakhe ekucitseni ingati!

Jeremiya 48:15

Mowabi uyawubhujiswa, nemadolobha akhe ayawuvinjetelwa, emajaha akhona elikhetselo lamahle ayakwehliselwa ekuhlatjweni abulawe, kusho iNkhosi, lelibito layo kunguSimakadze longuSomandla.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Danyela 9:4

Ngathandaza kuSimakadze Nkulunkulu wami ngivuma tono ngitsi: “Awu Simakadze, wena unguNkulunkulu lomkhulu nalowesabekako, logcina sivumelwane sakhe nelutsandvo kubo bonkhe labamtsandzako bente imiyalo yakhe,

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Zakhariya 14:9

Simakadze uyawuba yinkhosi emhlabeni wonkhe. Ngalelo langa kuyawuba naSimakadze munye, Libito lakhe kube Libito lakhe kuphela.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Malakhi 1:8

Naniletsa tifuyo letitindlobho kutsi titewuba ngumhlatjelo, kulungile yini loko? Nanenta umhlatjelo ngesifuyo lesichutako nome lesigulako, kulungile yini loko? Yetamani kunikela ngato kumbusi wenu! Anganijabulela yini? Anganemukela yini?” kusho Simakadze longuSomandla.

Malakhi 2:1

“Manje-ke, lomyalo ucondzene nani, nine baphristi:

Malakhi 3:9

Ningaphansi kwesicalekiso, nonkhe nine sive, ngobe nichubeka nekungebela.

Matewu 24:51

Iyawusijezisa kakhulu kanye nebatentisi. Lapho kuyawuba khona kukhala nekugedletelisa ematinyo.”

Matewu 5:35

nome ngemhlaba, ngobe usenabelo setinyawo takhe; ngisho nangeJerusalema, ngobe kulidolobha leNkhosi yemakhosi.

Makho 14:8

Naye-ke wente loko langahle akwente, ugcobise umtimba wami awulungiselela kungcwatjwa usengakangcwatjwa.

Lukha 12:46

lenkhosi yaso iyawufika ngelilanga nangesikhatsi lesingakasilindzeli isijezise, isihlanganise nalabangetsembeki.

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

1 kuThimothi 6:15

Ngesikhatsi sakhe Jesu utawubonakaliswa nguSomandla lokunguye yedvwa, lobusisekile, iNkhosi yemakhosi neMbusi webabusi.

KumaHebheru 12:29

ngobe loNkulunkulu wetfu ungumlilo locotfulako.

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”