Malakhi 1:13 - Siswati 1996 Bible

¹³ Niphindze nitsi: ‘Maye, ngumtfwalo!’ bese nikumfumfutsa ngaphandle kwenhlonipho,” kusho Simakadze longuSomandla. “Naniletsa tifuyo letitsetfwe ngebudlova nome letichutako, nome letigulako nitinikele tibe ngumhlatjelo, kufanele ngitemukele yini kuleto tandla tenu?” kusho Simakadze.

Malakhi 1:13 Referencias Cruzadas

2 Samuweli 24:24

Kodvwa inkhosi, Davide, yaphendvula Arawuna, yatsi: “Cha! Ngitakukhokhela ngaloku. Ngingeke ngente umhlatjelo kuSimakadze Nkulunkulu wami, umnikelo wekushiswa lengingakawukhokheli lutfo.” Ngako Davide watsenga libala lekubhulela kolo naletinkhabi, wakukhokhela ngetinhlavu tesiliva letatingaba ngema-50.

Isaya 1:12

Nisuke nicelwe ngubani kutsi ningiletsele leminikelo, nanitengikhonta? Ngubani lonicele kutsi nitekudzidzitela lapha ethempelini?

Isaya 57:6

Emkhatsini wematje labusheleleti asemifudlaneni ukhetsa tithico takho, tona titabelo takho. Yebo, utfululele kuto iminikelo yetinatfo, wanikela nangeminikelo yalokutinhlavu. Ngifanele ngeneliseke yini ngato tonkhe letintfo?

Isaya 61:8

“Ngobe mine, Simakadze, ngiyakutsandza kwehlulela ngebucotfo. Ngiyakutondza kudlelela nekona, bantfu bami ngiyawubakhokhela njengekwetsembeka kwami, ngente sivumelwane saphakadze naphakadze nabo.

Hezekeli 4:14

Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Hezekeli 44:31

Baphristi kufanele bangadli lutfo, inyoni nome silwane, lokutfolakele kutifele nome kudladlabulwe tilwane tesiganga.’ ”

Hoseya 13:9

“Awu, Israyeli, ngiyawukubhubhisa ngobe umelene nami, uphambene nemsiti wakho.

Levithikusi 22:8

Kufanele angayidli ingcuba nome lokuklejulwe tilwane tesiganga, ngobe loko kutamngcolisa. NginguSimakadze.

Levithikusi 6:4

uyawuba nelicala lekona. Kufanele abuyisele leyontfo layitfole ngekuyeba, nome layitfole ngebucili, nome layiniketiwe kutsi ayigcine, nome lebekulahlekile wakutfola,

Amose 8:5

nikhuluma nitsi: “Ingabe umkhosi longcwele wekwetfwasa kwenyanga uyakwendlula nini, khona sitewutsengisa ngesivuno salokutinhlavu, neliSabatha litawuphela nini, khona sitewutsengisa ngakolo?” Ngaloko nentela kunciphisa tikali nenyuse intsengo, nitewuganga ngekusebentisa tikali letingekho emtsetfweni,

Mikha 6:3

Simakadze utsi: “Sive sami, ngenteni kini? Nginetfwese mtfwalo muni? Ngiphendvuleni.

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Malakhi 2:12

Umuntfu lowenta loko, nome ngabe ngubani, shangatsi Simakadze angamsusa emathendeni akaJakobe, lite nome ngabe uyayiletsa iminikelo kuSimakadze longuSomandla.

Malakhi 2:13

Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.

Matewu 6:16

“Futsi-ke nanizila kudla, ningabunyukumalisi buso benu njengebatentisi, ngobe bona banyukumalisa buso babo, kuze batekubonakalisa kubantfu kuzila kwabo. Ngicinisile, ngitsi kini: Sebawemukele umvuzo wabo.

Matewu 6:5

“Nanithandazako, ningalingisi batentisi; ngobe batsandza kuthandaza bemile emasinagogeni, nasemajikeni etitaladi, kuze batekubonwa bantfu. Ngicinisile, ngitsi kini: Sebavele bawutfolile umvuzo wabo.

Dutheronomi 15:21

Nangabe sifuyo sichwalile, sichuta nome siyimphumphutse, nome sinesiyela lesibi kabi, ungacali usente umhlatjelo kuSimakadze Nkulunkulu wakho.

1 Samuweli 2:29

Manje-ke niwubukelani ngeliso lelibukhali lomhlatjelo wami nalomnikelo wami lengawukhetsela indzawo yami yekuhlala? Wentiwa yini lokutsi uhloniphe kakhulu emadvodzana akho kunekutsi uhloniphe mine, nitikhuluphalise nine ngekutikhetsela lokunonile kwayo yonkhe iminikelo leyentiwa sive sami sema-Israyeli?’