Malakhi 1:11 - Siswati 1996 Bible

¹¹ “Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Malakhi 1:11 Referencias Cruzadas

1 Tikhronike 16:25

Ngobe mkhulu Simakadze, ufanele kudvunyiswa kakhulu, ufanele kwesatjwa kunabo bonkhe bonkulunkulu.

Tihlabelelo 111:9

Sive sakhe wasitfumelela kuhlengwa, wemisa sivumelwane sakhe kuze kube phakadze. Lingcwele liyesabeka libito lakhe.

Tihlabelelo 113:3

Kusukela ekuphumeni kwelilanga, lize liyewushona, libito laSimakadze liyabongeka.

Tihlabelelo 138:5

Ayawuhlabelela wena, Simakadze, ngobe bukhulu bukhosi baSimakadze.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 45:17

Libito lakho ngiyakulenta likhunjulwe titukulwane ngetitukulwane, ngako-ke tive tiyawukubonga kuze kube phakadze naphakadze.

Tihlabelelo 48:10

Yebo, Nkulunkulu! Ludvumo lwakho lufana nelibito lakho, luhamba luze lufike emaphetselweni emhlaba. Sandla sakho sangesekudla sigcwele kulunga.

Tihlabelelo 48:11

Shangatsi ingajabula iNtsaba iSiyoni! Shangatsi bantfu bakaJuda bangatfokota, ngenca yetehlulelo takho.

Tihlabelelo 50:1

Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.

Tihlabelelo 65:9

Unakekela umhlaba ngekuwupha inala, uwuvundzise kakhulu. Umfula waNkulunkulu ugcwele emanti. Bantfu ubapha emabele. Loku ukwenta kanje:

Tihlabelelo 67:2

Indlela yakho ayatiwe emhlabeni wonkhe, kwatiwe nensindziso yakho etiveni tonkhe.

Tihlabelelo 86:9

Tonkhe tive lotentile tiyawuta kuwe, tikhotsame embikwakho, Nkhosi yami, tibabate libito lakho.

Tihlabelelo 96:8

Nikani Simakadze lolufanele ludvumo libito lakhe. Ngenani emabaleni endlu yakhe, niletse kuye umnikelo.

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Isaya 12:5

Hlabelani kuSimakadze, ngobe wente tintfo letincomekako; loku akwatiwe emhlabeni wonkhe.

Isaya 19:21

Ngako Simakadze uyakwenta kutsi emaGibhithe amati; ngalelo langa bayawumhlonipha Simakadze. Bayawumkhonta ngemihlatjelo nangeminikelo yalokutinhlavu, bayakwenta tetsembiso kuSimakadze, futsi bayawutigcina.

Isaya 30:27

Bukani, Libito laSimakadze lichamuka khashane, lita nelulaka loluvutsako nangelifu lelimnyama lentfutfu, tindzebe temlomo wakhe tigcwele lulaka, nelulwimi lwakhe lungumlilo lodlako.

Isaya 45:6

khona kutewutsi kusukela emphumalanga kuze kube ngusenshonalanga, tive tati kutsi kute lomunye ngaphandle kwami. NginguSimakadze, futsi kute lomunye.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 59:19

Kusukela enshonalanga kuye lapho kuphuma ngakhona lilanga, bantfu bayawulesaba Libito laSimakadze, bahloniphe bukhosi bakhe. Ngobe uyawufika njengesikhukhula semfula lokhukhulwa kuphefumula kwaSimakadze.

Isaya 66:18

“Mine-ke, ngenca yetento tabo nangemicabango yabo, sekusondzele kutsi ngite ngibutsele ndzawonye tonkhe tive netilwimi, khona tiyakuta tibone bukhosi bami.

Jeremiya 10:6

Awu, Simakadze umkhulu, kute lonjengawe; nemandla eLibito lakho makhulu kakhulu.

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Danyela 2:45

Ngiyo leyo-ke inchazelo yalombono welidvwala lelahleshulwa entsabeni, kodvwa hhayi ngetandla temuntfu, ngilo lelidvwala lelabhidlita insimbi, nelitfusi, nelibumba, nesiliva kanye negolide, kwaba ticucu. “Nkulunkulu lomkhulu wembulele inkhosi loko lokutakwenteka kuletikhatsi letitako. Leliphupho liliciniso, nalokuchazwa kwalo kwetsembekile.”

Amose 9:12

khona batekudla lifa lensali yaka-Edomu kanye nelato tonkhe tive letibitwa ngeLibito lami,” usho njalo Simakadze, lotawutenta tonkhe letintfo.

Mikha 5:4

Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Zefaniya 3:9

“Tindzebe tetive ngiyawube sengiyatihlambulula-ke, kuze kutsi bonkhe lababite libito laSimakadze, bacela lusito kuye, bamkhonte bahlangene lihlombe ngelihlombe.

Zakhariya 8:7

Naku lokushiwo nguSimakadze longuSomandla, utsi: “Ngiyawubasindzisa bantfu bami eveni langasemphumalanga nakulo langasenshonalanga.

Malakhi 1:14

“Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Malakhi 3:3

Uyawuhlala njengemcengi nanjengemhlanti wesiliva; uyawuhlanta emaLevi awacenge njengegolide nesiliva. Simakadze uyawuba nemadvodza layawuletsa iminikelo ngekulunga,

Numeri 7:74

ingwembe yegolide lenesisindvo lesasingemagremu labengaba li-110, igcwele imphepho;

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Matewu 8:11

Kepha ngiyanitjela ngitsi: Labanyenti bayawuchamuka emphumalanga nasenshonalanga, bahlale etafuleni kanye na-Abrahama, na-Isaka, naJakobe embusweni welizulu.

Lukha 1:10

Sicumbi sonkhe sebantfu sasithandaza ngephandle ngesikhatsi ashisa imphepho.

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 15:16

wekutsi ngibe sikhonti saKhristu Jesu kubetive, ngikhonta njengemphristi ngekushumayela liVangeli leliphuma kuNkulunkulu, khona kutewutsi umnikelo longibo betive wemukeleke ungcwelisisiwe ngaMoya Longcwele.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

2 kubaseThesalonika 1:12

Sikhulekela kutsi libito leNkhosi yetfu Jesu lidvunyiswe kini, nani kuye, ngekwemusa waNkulunkulu wetfu neweNkhosi Jesu Khristu.

1 kuThimothi 2:8

Ngako-ke ngifisa shangatsi emadvodza yonkhe indzawo angakhuleka aphakamise tandla letingcwele, ate lulaka nembango.

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

Sembulo 5:8

Latsi kube liyitsatse lencwadzi, letidalwa letine kanye nemalunga langema-24 awa phansi embikweliWundlu, lelo nalelo liphetse ihabhu, netitja tegolide tigcwele imphepho lengimithandazo yalabangcwele.