Makho 9:20 - Siswati 1996 Bible

²⁰ Bamletsa kuJesu lomfana. Lanelela kumbona nje lelidimoni, lamlahla phansi umfana, lamekhama, washumpha aphukuhla emagwebu emlonyeni.

Makho 9:20 Referencias Cruzadas

Makho 1:26

Lelidimoni lamklinklitisa lomuntfu, lakhala limemeta laphuma kuye.

Makho 9:18

Litsi lingambamba limlahle phansi, limkliklitise, akhihlite emagwebu, abhashe ematinyo, ome atsi nkhwa. Ngicele labafundzi bakho kutsi balikhiphe, kodvwa behlulekile.”

Makho 9:19

Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”

Makho 9:21

Jesu wabuta uyise walomfana watsi: “Selinesikhatsi lesingakanani limphetse?” Uyise wamphendvula watsi: “Kusukela ebuntfwaneni bakhe.

Makho 9:26

Lidimoni latswilila, lamhlukumeta kamatima lomfana, laphuma kuye. Lomfana walala watsi dzalakaca, wafanana nesidvumbu. Labanyenti babo badzimate batsi: “Ufile.”

Lukha 4:35

Jesu wawekhuta lomoya watsi: “Thula! Phuma futsi kulomuntfu!” Lidimoni lamjika phansi embikwabo bonkhe, noko laphuma kuye lingakamlimati.

Lukha 8:29

Yayisho loko nje, ngobe Jesu abesawekhutile lomoya lomubi kutsi awuphume kuyo. Lomoya wase uyibambe kanyenti kwale nome seyibanjwe njengesiboshwa, yaboshwa tandla netinyawo ngetinketane. Yayitidzabula itilahle le, lelidimoni liyihambise iyewuhlala etsafeni.

Lukha 9:39

Kunemoya lomhlaselako ummemetise kakhulu, bese uba nesitfutfwane, aze akhihlite emagwebu emlonyeni; kumshumphisa kangangekutsi uze ehluleke ngisho nekuhamba, kulukhuni kuphuma kwawo.

Lukha 9:42

Watsi naketa lomfana, lidimoni lamjika phansi, waba nesitfutfwane. Jesu wawekhuta lomoya lomubi, wamphilisa lomfana, wase umbuyisela kuyise.

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.